டிவிஎஸ் மோட்டாா் கம்பெனி ஜூன் காலாண்டில் ரூ.15 கோடி இழப்பைச் சந்தித்துள்ளது.
இதுகுறித்து அந்த நிறுவனம் பங்குச் சந்தையிடம் தெரிவித்துள்ளதாவது:
நடப்பு நிதியாண்டின் முதல் காலாண்டில் நிறுவனத்தின் மொத்த வருமானம் ரூ.4,692 கோடியாக இருந்தது. இது, கடந்த 2019-20-ஆம் நிதியாண்டில் நிறுவனம் ஈட்டிய ரூ.1,946.35 கோடியுடன் ஒப்பிடுகையில் அதிகம்.
கடந்த 2020-21 நிதியாண்டின் ஏப்ரல்-ஜூன் காலாண்டில் நிறுவனத்துக்கு ஏற்பட்ட நிகர இழப்பானது ரூ.183 கோடியாக இருந்தது. இந்த நிலையில், நடப்பு நிதியாண்டின் ஜூன் 30-ஆம் தேதியுடன் நிறைவடைந்த காலாண்டில் ஒட்டுமொத்த நிகர இழப்பு ரூ.15 கோடியாக இருந்தது.
தனிப்பட்ட முறையில் நிறுவனம் நடப்பு நிதியாண்டின் முதல் காலாண்டில் ரூ.53 கோடி நிகர லாபத்தை பதிவு செய்துள்ளது. கடந்த நிதியாண்டின் ஏப்ரல்-ஜூன் காலகட்டத்தில் நிறுவனத்துக்கு ரூ.139 கோடி நிகர இழப்பு ஏற்பட்டதாக டிவிஎஸ் மோட்டாா் தெரிவித்துள்ளது.