உலக கோடீஸ்வரா் முகேஷ் அம்பானி தலைமையிலான ரிலையன்ஸ் இண்டஸ்ட்ரீஸ் நிறுவனம் மாா்ச் காலாண்டில் ரூ.13,227 கோடி ஒட்டுமொத்த நிகர லாபத்தை ஈட்டியுள்ளது.
இது, இந்நிறுவனம் கடந்த 2019-20-ஆம் நிதியாண்டில் இதே காலகட்டத்தில் ஈட்டிய லாபம் ரூ.6,348 கோடியுடன் ஒப்பிடும்போது இருமடங்குக்கும் அதிகமாகும்.
மதிப்பீட்டு காலாண்டில் ரிலையன்ஸ் வருவாய் 13.6 சதவீதம் அதிகரித்து ரூ.1,72,095 கோடியாக இருந்தது.
இருப்பினும், 2020-21-ஆம் முழு நிதியாண்டில் இந்நிறுவனம் ஈட்டிய வருவாய் 18.3 சதவீதம் சரிவடைந்து ரூ.5,39,238 கோடியாகவும், நிகர லாபம் 35 சதவீதம் அதிகரித்து ரூ.53,739 கோடியாகவும் இருந்தது.
2021 மாா்ச் 31-ஆம் தேதியுடன் முடிவடைந்த நிதியாண்டுக்கு பங்கு ஒன்றுக்கு ரூ.7 ஈவுத்தொகை வழங்குவதாக என ரிலையன்ஸ் இண்டஸ்ட்ரீஸ் தெரிவித்துள்ளது.