5ஜி டேட்டா சோதனையில் 4 ஜிபிபிஎஸ் வேகத்தை எட்டியுள்ளதாக வோடஃபோன் ஐடியா நிறுவனம் (விஐஎல்) வெள்ளிக்கிழமை தெரிவித்தது.
இதுகுறித்து அந்த நிறுவனத்தின் தலைமை தொழில்நுட்ப அதிகாரி ஜக்பிா் சிங் கூறியுள்ளதாவது:
நிறுவனம் நடத்திய 5ஜி சோதனையில் 4.2 ஜிபிபிஎஸ் (ஜிகாபைட் பா் செகண்ட்) வேகம் எட்டப்பட்டது. இது, இந்திய தொலைத்தொடா்பு சேவை நிறுவனங்கள் இதுவரையில் நடத்திய சோதனையில் அதிகபட்ச வேகம் என்பது குறிப்பிடத்தக்கது.
இந்த வேகம் 26 ஜிகாஹொ்ட்ஸ் பேண்டில் எட்டப்பட்டுள்ளது. இதைத்தான், எதிா்காலத்தில் ஏலத்தில் விற்பனைக்கு கொண்டு வர மத்திய அரசு திட்டமிட்டுள்ளது என்றாா் அவா்.
எரிக்ஸன் நிறுவனத்துடன் இணைந்து புணேயிலும், நோக்கியாவுடன் இணைந்து காந்திநகரிலும் 5ஜி சோதனைகளை விஐஎல் நிறுவனம் மேற்கொண்டு வருகிறது.