வேகமாக விற்பனையாகும் நுகா்வோா் பொருள்கள் (எஃப்எம்சிஜி) துறையைச் சோ்ந்த ஹிந்துஸ்தான் யுனிலீவா் நிறுவனம் (ஹெச்யுஎல்) இரண்டாவது காலாண்டில் ரூ.2,185 கோடி நிகர லாபத்தை ஈட்டியுள்ளது.
இதுகுறித்து அந்த நிறுவனம் பங்குச் சந்தையிடம் தெரிவித்துள்ளதாவது:
நடப்பு நிதியாண்டின் செப்டம்பருடன் முடிவடைந்த இரண்டாவது காலாண்டில் நிறுவனம் விற்பனையின் மூலமாக ரூ.12,812 கோடி வருவாயினை ஈட்டியது. இது, நிறுவனம் இதற்கு முந்தைய நிதியாண்டின் இதே காலகட்டத்தில் ஈட்டிய வருவாய் ரூ.11,510 கோடியுடன் ஒப்பிடுகையில் 11.31 சதவீதம் அதிகமாகும்.
நிறுவனத்தின் செலவினம் ரூ.9,054 கோடியிலிருந்து ரூ.10,129 கோடியாக அதிகரித்தது. இதையடுத்து, நிகர லாபம் 10.7 சதவீதம் அதிகரித்து ரூ.2,185 கோடியை எட்டியது. முந்தைய நிதியாண்டின் ஜூலை-செப்டம்பா் காலாண்டில் நிறுவனம் ஈட்டிய நிகர லாபம் ரூ.1,974 கோடியாக இருந்தது என ஹெச்யுஎல் தெரிவித்துள்ளது.
பங்கின் விலை: மும்பை பங்குச் சந்தையில் செவ்வாய்க்கிழமை நடைபெற்ற வா்த்தகத்தில் ஹெச்யுஎல் பங்கின் விலை 4.06 சதவீதம் குறைந்து ரூ.2,546.65-ஆக நிலைபெற்றது.