புது தில்லி: ஆப்பிள் நிறுவனத்தின் ஐபோன் 13, செப்டம்பா் 24-ஆம் தேதி சந்தைக்கு வரவுள்ளது. இதன் ஆரம்ப விலை ரூ.69,900-ஆக இருக்கும்.
இதுகுறித்து ஆப்பிள் நிறுவனத்தின் தலைமைச் செயல் அதிகாரி டிம் குக் தெரிவித்துள்ளதாவது:
ஆப்பிள் நிறுவனத்தின் நவீன தயாரிப்பான ஐபோன் 13 மினி மற்றும் ஐபோன் 13 ப்ரோ மேக்ஸ் மாடல் செப்டம்பா் 24-ஆம் தேதி முதல் சந்தைக்கு வரவுள்ளது. இந்தியா, ஜப்பான்,அமெரிக்கா உள்ளிட்ட பல நாடுகளில் ஒரே நேரத்தில் இந்த போன் விற்பனைக்கு வரும். 5ஜி பிரிவில் இவற்றின் செயல்பாடு சிறப்பானதாக இருக்கும்.
உலகின் மிகப்பெரிய ஸ்மாா்ட்போன் சந்தையான இந்தியாவில் இதனை அறிமுகப்படுத்துவதன் மூலம் நிறுவனத்தின் செயல்பாடு மேலும் வலுப்படும் என்று தெரிவித்துள்ளாா்.
ஐபோன் 13 மினியின் விலை ரூ.69,900-ரூ.99,900; ஐபோன் 13 ரூ.79,900-ரூ.1,09,000; ஐபோன் 13 ப்ரோ ரூ.1,19,900-ரூ.1,69,900; மற்றும் ஐபோன் ப்ரோ மேக்ஸ் ரூ.1,29,900-ரூ.1,79,900-ஆக இருக்கும் என ஆப்பிள் இந்தியா வலைதளத்தில் தெரிவிக்கப்பட்டுள்ளது.