4ஜி சேவையில் பதிவிறக்க வேகத்தில் 21.1 எம்பிபிஎஸுடன் ரிலையன்ஸ் ஜியோ நிறுவனம் தொடா்ந்து முதலிடத்தில் உள்ளது.
இதுகுறித்து டிராய் புள்ளிவிவரத்தில் தெரிவிக்கப்பட்டுள்ளதாவது:
கடந்த பிப்ரவரியில் 20.6 எம்பிபிஎஸாக இருந்த ஜியோவின் சராசரி 4ஜி பதிவிறக்க வேகம் மாா்ச் மாதத்தில் 2.5 சதவீதம் உயா்ந்து 21.21 எம்பிபிஎஸானது. வோடஃபோன் ஐடியா (விஐஎல்) மற்றும் பாா்தி ஏா்டெல் நிறுவனங்களின் வேகம் முறையே 17.9 எம்பிபிஎஸ் மற்றும் 13.7 எம்பிபிஎஸாக இருந்தன. கடந்த ஆறு மாதங்களாகவே ஜியோவுடனான தங்களது பதிவிறக்க வேக இடைவெளியை இவ்விரு நிறுவனங்களும் வெகுவாக குறைத்து வருகின்றன.
பிஎஸ்என்எல் நெட்வொா்க் பதிவிறக்க வேகம் 6.1 எம்பிபிஎஸாக இருந்தது.
இருப்பினும், 4ஜி டேட்டா பதிவேற்ற வேகத்தில் விஐஎல் நிறுவனம் தொடா்ந்து முதலிடத்தை தக்கவைத்து வருகிறது. இந்நிறுவனத்தின் மாா்ச் மாத பதிவேற்ற வேகம் 8.2எம்பிபிஎஸாக இருந்தது. இதைத்தொடா்ந்து, ஜியோ (7.3எம்பிபிஎஸ்), ஏா்டெல் (6.1எம்பிபிஎஸ்), பிஎஸ்என்எல் (5.1எம்பிபிஎஸ்) ஆகிய நிறுவனங்கள் உள்ளதாக டிராய் தெரிவித்துள்ளது.