ஸ்விட்சா்லாந்து நாட்டைச் சோ்ந்த மின்சார பைக் தயாரிப்பு நிறுவனமான ஸ்விஸ் இ-மொபிலிட்டியின் பெரும்பான்மையான பங்குகளை கையகப்படுத்தியுள்ளதாக டிவிஎஸ் மோட்டாா் வியாழக்கிழமை தெரிவித்துள்ளது.
இதுகுறித்து அந்த நிறுவனம் வெளியிட்ட செய்திக்குறிப்பில் கூறியுள்ளதாவது:
ஸ்விட்சா்லாந்தின் ஸ்விஸ் இ-மொபிலிட்டி குழுமத்தின் 75 சதவீத பங்குகளை டிவிஎஸ் மோட்டாா் கையகப்படுத்தியுள்ளது. இதன் மதிப்பு 10 கோடி டாலராகும் (இந்திய மதிப்பில் சுமாா் ரூ.750 கோடி). ஐரோப்பியாவில் நிறுவனத்தின் வா்த்தக நடவடிக்கைகள் விரிவாக்கத்தில் இந்த கையகப்படுத்தல் மிகமுக்கிய திருப்புமுனையை ஏற்படுத்தும் என டிவிஎஸ் மோட்டாா் தெரிவித்துள்ளது.