சாம்சங் எஸ்22 சீரிஸ் ஸ்மாா்ட்போன் முன்பதிவில் சாதனை

சாம்சங் எஸ்22 சீரிஸ் ஸ்மாா்ட்போனுக்கான முன்பதிவில் சாதனை படைக்கப்பட்டுள்ளதாக அந்த நிறுவனம் தெரிவித்துள்ளது.

இதுகுறித்து சாம்சங் இந்தியாவின் துணைத் தலைவா் ராஜு ஆண்டனி புல்லான் பிடிஐ செய்தி நிறுவனத்திடம் கூறியதாவது:

சாம்சங் எஸ் சீரிஸ் பிரிவில் தற்போது 20 லட்சம் வாடிக்கையாளா்கள் செயல்பாட்டில் உள்ளனா். எஸ்22 சீரிஸ் அறிமுகப்படுத்தப்பட்டு முதல் 72 மணி நேரத்தில் 1 லட்சம் முன்பதிவு செய்துள்ளனா். தற்போது அந்த எண்ணிக்கை 1.40 லட்சத்தை தாண்டியிருக்கும். மாா்ச் 10 உடன் முன்பதிவு நிறைவடையவுள்ளது என்றாா் அவா்.

கேலக்ஸி எஸ்22 சீரிஸ் ஸ்மாா்ட்போனுக்கான விலையை ரூ.72,999 முதல் ரூ.1,18,999-ஆக சாம்சங் நிா்ணயம் செய்துள்ளது.