வாகன உதிரிபாக தயாரிப்பில் ஈடுபட்டு வரும் ரானே பிரேக் லைனிங், கடந்த மாா்ச் மாதத்துடன் முடிவடைந்த நான்காவது காலாண்டில் ரூ.13.1 கோடி வரிக்கு பிந்தைய லாபத்தை பதிவு செய்துள்ளது. இது, நிறுவனம் முந்தைய 2020-21 நிதியாண்டின் இதே காலாண்டில் ஈட்டிய லாபம் ரூ.14.3 கோடியுடன் ஒப்பிடுகையில் குறைவாகும்.
கணக்கீட்டு காலாண்டில் வருவாய் ரூ.152.4 கோடியிலிருந்து ரூ.157 கோடியாக உயா்ந்தது.
2021-22 முழு நிதியாண்டில் லாபம் ரூ.31.8 கோடியிலிருந்து ரூ.27.1 கோடியாக குறைந்தது. அதேசமயம், வருவாய் ரூ.434.8 கோடியிலிருந்து ரூ.518.2 கோடியாக அதிகரித்தது.
ரூ.10 முகமதிப்பு கொண்ட பங்கு ஒன்றுக்கு ரூ.20 ஈவுத் தொகை வழங்க இயக்குநா் குழு பரிந்துரைத்துள்ளதாக ரானே தெரிவித்துள்ளது.