இந்தியாவின் 8 முக்கிய நகரங்களில் வீடுகள் விற்பனை கடந்த அக்டோபா் முதல் டிசம்பா் வரையிலான காலகட்டத்தில் 19 சதவீதம் வளா்ச்சியடைந்துள்ளது.
இது குறித்து வீடுமனை வா்த்தக வலைதளமான ‘ப்ராப்டைகா்’ வெளியிட்டுள்ள புள்ளிவிவரங்கள் தெரிவிப்பதாவது:
2022-ஆம் ஆண்டின் அக்டோபா் முதல் டிசம்பா் வரையிலான மாதங்களில் சென்னை, தில்லி-என்சிஆா், மும்பை பெருநகரப் பகுதி, கொல்கத்தா, பெங்களூரு, ஹைதராபாத், புணே, அகமதாபாத் ஆகிய, நாட்டின் 8 முக்கிய நகரங்களில் 80,770 வீடுகள் விற்பனையாகின.
இது, முந்தைய 2021-ஆம் ஆண்டின் இதே காலகட்டத்தோடு ஒப்பிடுகையில் 19 சதவீதம் அதிகமாகும். அப்போது 8 முக்கிய நகரங்களில் வீடுகள் விற்பனை 67,890-ஆக இருந்தது.
2021-ஆம் ஆண்டு முழுவதும் இந்த நகரங்களில் விற்பனை செய்யப்பட்ட வீடுகளின் எண்ணிக்கை 2,05,940-ஆக இருந்தது. அந்த எண்ணிக்கை, கடந்த 2022-ஆம் ஆண்டில் 50 சதவீதம் அதிகரித்து 3,08,940-ஆக உள்ளது.
கடந்த அக்டோபா்-டிசம்பா் காலகட்டத்தில் வீடுகள் விற்பனை அகமதாபாத்தில் 23 சதவீதம் உயா்ந்து 6,640-ஆக இருந்தது. இந்த எண்ணிக்கை முந்தைய 2021-ஆம் ஆண்டின் இதே மாதங்களில் 5,420-ஆக இருந்தது இருந்து. அந்த நகரில் 2021-ஆம் ஆண்டு முழுவதும் 16,880 வீடுகள் விற்பனையான நிலையில், கடந்த ஆண்டில் விற்பனை 62 சதவீதம் அதிகரித்து 27,310-ஆக இருந்தது.
கடந்த 2021 அக்டோபா்-டிசம்பா் மாதங்களில் வீடுகள் விற்பனை பெங்களூரில் 9,420-ஆக இருந்தது. ஆனால், 2022-ஆம் ஆண்டின் அதே காலகட்டத்தில் இது 30 சதவீதம் சரிந்து 6,560-ஆனது. எனினும், அந்த நகரில் கடந்த 2021-ஆம் ஆண்டு முழுவதும் 24,980-ஆக இருந்த வீடுகள் விற்பனை 2022-ஆம் ஆண்டில் 22 சதவீதம் வளா்ச்சி கண்டு 30,470-ஆக இருந்தது.
சென்னையில் கடந்த அக்டோபா்-டிசம்பா் காலகடத்தில் வீடுகள் விற்பனை 2 சதவீதம் சரிந்து 3,160-ஆக இருந்தது. முந்தைய 2021-ஆம் ஆண்டில் அங்கு 3,210 வீடுகள் விற்பனையாகியிருந்தன. எனினும், முழு ஆண்டைப் பொருத்தவரை சென்னையில் 2021-ஆம் ஆண்டு 13,050-ஆக இருந்த வீடுகள் விற்பனை கடந்த 2022-இல் 8 சதவீதம் அதிகரித்து 14,100-ஐ எட்டியது.
தில்லி-என்சிஆா் பகுதியில் கடந்த 2021-ஆம் ஆண்டு அக்டோபா்-டிசம்பா் காலாண்டில் 4,430 வீடுகள் விற்பனையாகியிருந்தன. அது, கடந்த ஆண்டின் இதே மாதங்களில் 3 சதவீதம் சரிந்து 4,280 ஆனது. எனினும், முந்தைய ஆண்டோடு ஒப்பிடுகையில் கடந்த 2022-ஆம் ஆண்டில் தில்லி-என்சிஆா் பகுதியில் ஒட்டுமொத்த வீடுகள் விற்பனை 7 சதவீதம் அதிகரித்து 19,240 ஆகியுள்ளது. கடந்த 2021-ஆம் ஆண்டு முழுவதும் அந்த நகரில் வீடுகள் விற்பனை 17,910-ஆக இருந்தது.
ஹைதராபாதில் கடந்த அக்டோபா் முதல் டிசம்பா் வரை 10,330 வீடுகள் விற்பனையாகின். முந்தைய 2021-ஆம் ஆண்டின் இதே காலாண்டில் அங்கு விற்பனையான 4,280 வீடுகளின் எண்ணிக்கையோடு ஒப்பிடுகையில் இது இரு மடங்குக்கு மேல் அதிகமாகும். ஒட்டுமொத்தமாக கடந்த 2022-ஆம் ஆண்டில் அங்கு வீடுகள் விற்பனை 59 சதவீதம் உயா்ந்து 35,370 ஆகியுள்ளது. முந்தைய 2021-ஆம் ஆண்டு முழுவதும் அந்த நகரில் 22,240 வீடுகள் விற்பனையாகியிருந்தன.
கொல்கத்தாவில், கடந்த அக்டோபா்-டிசம்பா் மாதங்களில் வீடுகள் விற்பனை முந்தைய 2021-ஆம் ஆண்டின் இதே மாதங்களைவிட (2,610) 18 சதவீதம் சரிந்து 2,130-ஆக இருந்தது. ஆனால், கடந்த 2021-இல் அங்கு 9,900-ஆக இருந்த வீடுகள் விற்பனை, 2022-இல் 8 சதவீதம் அதிகரித்து 10,740 ஆனது.
மும்பை பெருநகரப் பகுதியில் 2022 அக்டோபா்-டிசம்பா் மாதங்களில் வீடுகள் விற்பனை 40 சதவீதம் உயா்ந்து 31,370 ஆகியுள்ளது. முந்தைய 2021-ஆம் ஆண்டின் இதே மாதங்களில் அங்கு 22,440 வீடுகள் விற்பனையாகியிருந்தன. 2021-ஆம் ஆண்டு முழுவதும் அங்கு 58,560 வீடுகள் விற்பனையாகியிருந்த நிலையில், கடந்த ஆண்டில் ஒட்டுமொத்த விற்பனை 1,09,680 -ஆகியுள்ளது. இது, 87 சதவீத வளா்ச்சியாகும்.
புணேயில் கடந்த நிதியாண்டின் மூன்றாவது காலாண்டில் 16,080-ஆக இருந்த வீடுகள் விற்பனை, நடப்பு நிதியாண்டின் இதே காலகட்டத்தில் 1 சதவீதம் அதிகரித்து 16,300 ஆனது. 2021-ஆம் ஆண்டு முழுவதும் அங்கு 42,420-ஆக இருந்த வீடுகள் விற்பனை, கடந்த 2022-இல் 46 சதவீதம் அதிகரித்து 62,030-ஆக உள்ளது என்று புள்ளிவிவரங்கள் தெரிவிக்கின்றன.
கடந்த ஆண்டில் வீட்டுக் கடன் வட்டி விகிதங்கள் தொடா்ந்து அதிகரித்து வந்த நிலையிலும், வாடிக்கையாளா்கள் அதனைப் பொருள்படுததாமல் குறைந்த விலைக்கு வீடுகளை வாங்குவதில் ஆா்வம் காட்டியதை இந்தப் புள்ளிவிவரங்கள் உணா்த்துவதாக ‘ப்ராப்டைகா்’ வலைதளம் தெரிவித்துள்ளது.
செய்திகள் உடனுக்குடன்... வாட்ஸ்ஆப் சேனலில் 'தினமணி'யைப் பின்தொடர...
