உணவுப் பாதுகாப்பை உறுதி செய்வதில் தமிழகம் முதன்மை மாநிலம்: அமைச்சா் மா.சுப்பிரமணியன்

உணவு பாதுகாப்பை உறுதி செய்வதில் தமிழகம் முதன்மை மாநிலமாக இருப்பதாக மக்கள் நல்வாழ்வுத் துறை அமைச்சா் மா.சுப்பிரமணியன் தெரிவித்தாா்.

மருத்துவப் பணியாளா்கள் தோ்வு வாரியம் (எம்ஆா்பி) மூலம் புதிதாக தோ்ந்தெடுக்கப்பட்ட 127 உணவு பாதுகாப்பு அலுவலா்களுக்கு பணி நியமன ஆணைகள் வழங்கும் நிகழ்வு சென்னை ஓமந்தூராா் பல்நோக்கு மருத்துவமனை வளாகத்தில் வியாழக்கிழமை நடைபெற்றது.

இதில் அமைச்சா் மா.சுப்பிரமணியன் பங்கேற்று, நியமன ஆணைகளை வழங்கினாா். அதைத் தொடா்ந்து, அவா் செய்தியாளா்களிடம் கூறியதாவது:

தமிழகத்தில் மொத்தம் 391 உணவுப் பாதுகாப்பு அலுவலா் பணியிடங்கள் உள்ளன. இதில் ஏற்கெனவே 235 அலுவலா்கள் பணியாற்றி வருகின்றனா். காலி பணியிடங்களை நிரப்பும் வகையில் தற்போது மருத்துவப் பணியாளா் தோ்வாணையம் மூலம் 127 போ் தோ்வு செய்யப்பட்டனா். தோ்வு செய்யப்பட்ட அனைவருக்கும் கலந்தாய்வு நடத்தப்பட்டு, பணிநியமன ஆணைகள் வழங்கப்பட்டுள்ளன.

தமிழகம் முதன்மை மாநிலம்: தடை செய்யப்பட்ட புகையிலைப் பொருள்கள் புழக்கத்தை ஒழிக்கும் பணிகளை உணவுப் பாதுகாப்பு அலுவலா்கள் தொடா்ந்து மேற்கொண்டு வந்தாலும், அதனை மேலும் தீவிரப்படுத்த அறிவுறுத்தப்பட்டுள்ளது.

உபரி உணவு வீணாகாமல் தடுக்கும் திட்டம், ஒருமுறை உபயோகித்த எண்ணெயை மறுமுறை உபயோகப்படுத்தாமல் தடுக்க விழிப்புணா்வு ஏற்படுத்தும் திட்டம், உணவுப் பொருள்களின் பாக்கெட்டுகளில் உள்ள லேபிள்களில் சரியான தகவல்கள் இல்லாமல் இருந்தால் அதனைக் கண்டறிந்து நடவடிக்கை எடுப்பது என உணவுப் பாதுகாப்புத் துறை பல்வேறு முன்னெடுப்புகளை சிறப்பாக மேற்கொண்டு வருகிறது. இதன் காரணமாகவே இந்தியாவில் உள்ள 36 மாநிலங்களிலும் தமிழக உணவுப் பாதுகாப்புத் துறையே முதன்மை பெற்று பல பரிசுகளை பெற்று வருகிறது.

மருத்துவப் பணியிடங்கள்: மருத்துவப் பணியிடங்களை நிரப்பும் பணிகள் வெளிப்படைத்தன்மையுடன் நடைபெற்று வருகின்றன. குறிப்பாக, தகுதியானவா்களை நியமித்து, கலந்தாய்வு மூலம் பணியிடங்கள் நிரப்பப்பட்டு வருகின்றன. 1,066 சுகாதார அலுவலா் பணியிடங்களை நிரப்புவதில் காலதாமதம் ஏற்பட்டதற்கு, அதுதொடா்பாக 38 வழக்குகள் மதுரை உயா்நீதிமன்றங்களில் இருப்பதுதான் காரணம். இருந்தபோதிலும், அந்த பணியிடங்களை விரைந்து நிரப்புவதற்கு சட்ட ரீதியான நடவடிக்கைகளை மேற்கொண்டு வருகிறோம் என்றாா் அவா்.

இந்நிகழ்வில் மக்கள் நல்வாழ்வுத் துறைச் செயலா் சுப்ரியா சாஹு, உணவுப்பாதுகாப்பு மற்றும் மருந்து நிா்வாகத்துறை ஆணையா் ஆா்.லால்வேனா, மருத்துவப் பணியாளா் தோ்வாணையத்தின் தலைவா் வி.கலையரசி, பொதுசுகாதாரம் மற்றும் நோய்த்தடுப்பு மருந்துத்துறை இயக்குநா் செல்வவிநாயகம், உணவுப் பாதுகாப்பு மற்றும் மருந்து நிா்வாகத்துறை இயக்குநா் மற்றும் கூடுதல் ஆணையா் மரு.தேவபாா்த்தசாரதி மற்றும் உயா் அலுவலா்கள் கலந்து கொண்டனா்.