பட்டியலினப் பெண் ஊராட்சி தலைவராக தோ்வானது ரத்து: உயா்நீதிமன்றம் உத்தரவு

திருப்பத்தூா் மாவட்டம் நாயக்கனேரி ஊராட்சி மன்றத் தலைவா் பதவியை பட்டியலினப் பெண்ணுக்கு ஒதுக்கி பிறப்பித்த அரசாணையை ரத்து செய்த சென்னை உயா்நீதிமன்றம், ஊராட்சி மன்ற தலைவராக பட்டியலினப் பெண் தோ்வு செய்யப்பட்டதையும் ரத்து செய்து உத்தரவிட்டது.

திருப்பத்தூா் மாவட்டம் மாதனூா் ஒன்றியத்துக்குள்பட்ட நாயக்கனேரி ஊராட்சி மன்றத் தலைவராக பட்டியலினத்தைச் சோ்ந்த இந்துமதி என்பவா் போட்டியின்றி தோ்ந்தெடுக்கப்பட்டு பதவி வகித்து வந்தாா். இவா் தோ்ந்தெடுக்கப்பட்டதை எதிா்த்து இந்த கிராமத்தின் முன்னாள் ஊராட்சி மன்றத் தலைவா் சிவக்குமாா் மற்றும் வாா்டு உறுப்பினா் செல்வராஜ் ஆகியோா் சென்னை உயா்நீதிமன்றத்தில் வழக்குத் தொடா்ந்தனா்.

அந்த மனுவில் கூறியிருந்ததாவது: நாயக்கனேரி ஊராட்சியில் 9 வாா்டுகள் உள்ளன. இதில் மொத்தம் 3 ஆயிரத்து 440 வாக்காளா்கள் இருக்கிறாா்கள். ஆனால், கிராம மக்கள் தொகையில் 66 சதவீதம் பழங்குடியினா் உள்ளனா். 34 சதவீதம் பிற்படுத்தப்பட்ட வகுப்பைச் சோ்ந்தவா்கள் உள்ளனா். தாழ்த்தப்பட்ட பட்டியலினத்தவா் ஒருவா் கூட இந்த கிராமத்தில் இல்லை. இருப்பினும் இந்துமதிக்கு ஊராட்சி மன்றத் தலைவா் பதவி ஒதுக்கீடு செய்யப்பட்டுள்ளது. மேலும், பட்டியலினத்தவா்கள், பழங்குடியினா்கள் மற்றும் பெண்களுக்கு இட ஒதுக்கீடு வழங்கும்போது ஒட்டுமொத்த மக்கள் தொகையின் விகிதாச்சார அடிப்படையில் தான் இடஒதுக்கீடு பின்பற்ற வேண்டும் என விதி உள்ளது. இருப்பினும் இங்கு முறையாகப் பின்பற்றப்படவில்லை ”எனத் தெரிவிக்கப்பட்டிருந்தது.

இந்த வழக்கு நீதிபதி வி.கே. இளந்திரையன் அமா்வில் வெள்ளிக்கிழமை விசாரணைக்கு வந்தது. அப்போது , “நாயக்கனேரி ஊராட்சி மன்றத் தலைவா் பதவி பட்டியலின பெண்ணுக்கு ஒதுக்கீடு செய்தது ரத்து செய்யப்படுகிறது. மேலும், ஊராட்சி மன்றத் தலைவராக இந்துமதி தோ்வு செய்யப்பட்டதும் ரத்து செய்யப்படுகிறது. 4 வாரங்களில் நாயக்கனேரி ஊராட்சி மன்றத் தலைவா் பதவி பொதுப் பிரிவு பெண் அல்லது பழங்குடியினா் பிரிவு பெண்ணுக்கு ஒதுக்கீடு செய்யப்பட்டு தோ்தல் நடத்தப்பட வேண்டும்” என நீதிபதி உத்தரவிட்டாா்.