பள்ளிவாசல் அருகில் வாகனத் தணிக்கையில் ஐம்பொன் சிலைகள் மீட்பு: 3 போ் கைது

சென்னையில் வாகனத் தணிக்கையின்போது, பழைமையான ஐம்பொன் சிலைகளை போலீஸாா் மீட்டனா். இதுதொடா்பாக 3 போ் கைது செய்யப்பட்டனா்.

சென்னை டி.பி. சத்திரம் போலீஸாா், அங்குள்ள மதினா பள்ளிவாசல் அருகில் கடந்த செவ்வாய்க்கிழமை வாகனத் தணிக்கையில் ஈடுபட்டனா். அப்போது, அந்த வழியாக வந்த இருசக்கர வாகனத்தை மறித்து சோதனைக்கு முயற்சித்தனா். போலீஸாரை பாா்த்ததும், அந்த வாகனத்தில் வந்த இருவா் தப்பிச் செல்ல முயன்றனா். போலீஸாா், அவா்களை விரட்டிச் சென்று பிடிக்க முயன்றனா். இதில் ஒரு நபா் மட்டும் பிடிபட்டாா். மற்றொரு நபா், மோட்டாா் சைக்கிளுடன் அங்கிருந்து தப்பிவிட்டாா்.

பிடிபட்ட நபரிடம் விசாரித்தபோது அவா், ஆவடியை சோ்ந்த இா்ஷித் அகமது (48) என்பதும், அவா் கையில் வைத்திருந்த சாக்குப் பையை சோதித்தபோது, அதற்குள் ஒன்றரை அடி உயர முருகன் சிலை, ஒரு அடி உயர வள்ளி சிலை, தெய்வானை சிலை 1 என 3 ஐம்பொன் சிலைகள் இருந்ததும் தெரியவந்தது.

இந்த விவகாரம் தொடா்பாக இா்ஷித் அகமது கூட்டாளிகள் ரெளடி டி.பி சத்திரம் பகுதியைச் சோ்ந்த ஆகாஷ் எபினேசா் (27), இருசக்கர வாகனத்திலிருந்து தப்பிய, மூா் மாா்க்கெட்டில் கடை நடத்திவரும் கே.கே. நகா் ராஜேஷ் (45) ஆகிய 3 பேரை கைது செய்தனா்.

அந்த சிலைகள் வெவ்வேறு கோயில்களில் இருந்து திருடப்பட்டு, பல கோடி ரூபாய்க்கு விற்பனை செய்ய திட்டமிட்டிருந்தது விசாரணையில் தெரியவந்தது.

இதையடுத்து தொல்லியல் துறை நிபுணா்கள் நேரில் வரவழைக்கப்பட்டு, அந்த சிலைகள் ஆய்வுக்கு உட்படுத்தப்பட்டன. இதில், பறிமுதல் செய்யப்பட்ட ஐம்பொன் சிலைகள் சுமாா் 150 ஆண்டுகளுக்கு மேலான பழைமையான சிலைகள் எனத் தெரிவித்தனா்.

அந்த சிலைகள் விரைவில் தமிழக சிலைக் கடத்தல் தடுப்புப் பிரிவில் ஒப்படைக்கப்பட்டு, வழக்கு விசாரணையும் மாற்றப்படும் என போலீஸாா் தெரிவித்தனா்.