நடிகர் தனுஷின் அடுத்த படம் பற்றிய பெரிய ஆவலில் இருந்த ரசிகர்களுக்கு தனுஷின் பிறந்தநாளான இன்று அப்படத்தின் முதல் பார்வை வெளியாகியிருக்கிறது.
சத்யஜோதி பிலிம்ஸ் தயாரிப்பில் உருவாகும் இப்படத்திற்கு ' மாறன் ' என தலைப்பு வைத்திருக்கிறார்கள். இப்படத்தை 'துருவங்கள் பதினாறு' , ' மாபியா' போன்ற படங்களை இயக்கிய கார்த்திக் நரேன் இயக்குகிறார் . மாளவிகா மோகனன் கதாநாயகியாக நடிக்கிறார். ஜி.வி பிரகாஷ் இசையமைக்கிறார் .
ஹைதராபாத்தில் படத்தின் இறுதிகட்டப் பணிகள் வேகமாக நடைபெற்று வருவதால் இதை முடித்துவிட்டு தனுஷ் சன்பிக்சர்ஸ் தயாரிக்கும் தன்னுடைய அடுத்த படத்தில் கவனம் செலுத்துவார் என எதிர்பார்க்கப்படுகிறது