சுடச்சுட

    

    பாலிவுட்டில் நுழைய 'அட்ஜஸ்ட்’ செய்தேன்: சன்னி லியோன் பேட்டி!

    By BNS  |   Published on : 01st December 2016 06:10 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    sunny-leone

     

    பிரதமர் மோடிக்குப் பிறகு கூகுளில் அதிகமாக தேடப்படும் நடிகை சன்னி லியோனின் சமீபத்திய மகிழ்ச்சிக்கான காரணம் அவருக்கே அவருக்கான சன்னி லியோன் என்ற ஆப் (Sunnyleoneapp) கிடைத்திருப்பதுதான். சன்னியின் அதிகாரப்பூர்வமான இந்த ஆப்பில் அவரைப் பற்றிய லேட்டஸ்ட் தகவல்கள், புத்தம் புதிய புகைப்படங்கள், வீடியோக்கள், போட்டிகள் என பல பொழுதுபோக்கு அம்சங்களுடன் இருக்கிறதாம் இந்த ஆப். இந்த ஆப் ஐஓஎஸ் மற்றும் ஆண்ட்ராய்ட் என இரண்டு ஓஎஸ்களிலும் வருமாம்.

    தன்னுடைய ஆப் பற்றி சன்னி லியோன் கூறுகையில், ‘பாலிவுட் பிரபலங்களில் முதன்முதலாக ஒரு ஆப் எனக்குத்தான் கிடைத்துள்ளது. என்னுடைய ரசிகர்களுக்கு ஸ்பெஷல் வீடியோக்களை இப்போது என்னால் பதிவேற்ற முடியும், தவிர இது என் உலகம். இதில் எனக்குப் பிடித்த எதையும் செய்யும் உரிமை எனக்குள்ளது. பிடித்த பாடல்களை வரிசைப்படுத்தி தேவைப்படும் போது கேட்டுக்க முடியும், மொத்தத்துல இந்த ஆப்பை வைச்சு ஒரு ரவுண்டு செமையா கலக்கலாம்’ என்றார்.

    இந்த ஆப் மூலமாக யார் உங்களை தொடரலாம், யாரை நீங்கள் தொடர்வீர்கள் என்று லியோனிடம் கேட்ட போது, 'நான் டிவிட்டரில் எல்லோரையும் ஃபோலோ செய்கிறேன், அதில் முக்கியமானவர் சோனம் கபூர். அவரை தொடர்ந்து கவனித்து வருகிறேன். காரணம் அவர் சுவாரஸ்யமானவர். ஒவ்வொரு நாள் ஒவ்வொரு நாட்டில் இருக்கிறார், பல விஷயங்களில் ஈடுபடுகிறார். நடிகர்களைப் பொருத்தவரையில், ரன்வீர் சிங்கை தொடர்வது பிடிக்கும். அவர் ஒரு ஜாலிப் பேர்வழி. எதாவது கலாட்டா செய்து கொண்டிருப்பார். அவருக்கு ஃபேஷன் விஷயங்களில் நிறைய ஆர்வம் உண்டு. அடிக்கடி ட்ரெண்டியான ஸ்டைலிஷ் ஆடைகள் அணிந்து வீடியோக்களை பதிவேற்றுவார். எல்லாமே அதகளம், செம கலக்கலாக இருக்கும்’ என்று சிரித்தார்.

    'நான் வேலை செய்யறது பொழுதுபோக்கு மீடியா அப்படிங்கறப்ப நிச்சயம் ஒரு பொறுப்புணர்வு இருக்கு. இதுல எப்படி  தனித்துவமா இருக்கிறோம்ங்கறது ரொம்ப முக்கியம். ஒவ்வொரு நடிகர் நடிகைகளுக்கும் இந்த ஆப் தேவை. அவங்கவங்க வழியிலே இது போன்ற சமூக வலைத்தளங்கள் மூலமா தங்களுடைய எதிர்கால முன்னேற்றத்தை வடிவமைச்சுக்க முடியும்’

    பாலிவுட்டில் அறிமுகமான காலகட்டத்தில் சன்னி நிறைய போராட வேண்டியிருந்தது. வெளிப்படையாக அவரே சொல்லுவது, ‘நான் பாலிவுட்டின் கருப்புப் பக்கங்களை தெரிந்து கொண்டேன். ஆரம்பத்தில் இங்கே கொஞ்சம் அட்ஜஸ்ட் செய்யத்தான் வேண்டியிருந்தது. காரணம் ஒன்றும் புதுசல்ல, பாலிவுட் மாறவே மாறாது என்று ரொம்ப சீக்கிரம் எனக்குத் தெரிந்துவிட்டது. (சிரிப்பு) ஆனால் என்னோட வேலையைப் பொருத்தவரைக்கும் அதை நான் மிகவும் நேசிக்கறேன். இந்த உலகம் அமெரிக்காவில் எனக்கு தெரியாத உலகம். இந்தியா எனக்கு ரொம்பவே பிடிச்சிருக்கு, ஒவ்வொரு நாளும் புதுசா ஒரு விஷயத்தைக் கத்துக்கறேன், போராட்டங்கள் எல்லாம் எப்பவும்தான் இருக்கே. பிரச்னையில்லை’என்றார்.
     
    இந்த ஆப்பில் சன்னிக்குப் பிடித்த விஷயங்களில் ஒன்று ஈ-காமெர்ஸ். ஒரு நடிகையின் சினிமா வாழ்க்கை என்பது மிகவும் குறுகியது. அப்படி இல்லாமல் தீர்க்காயுசாக அது இருக்க வேண்டுமானால் நீங்கள் அமிதாப் பச்சன், சல்மான் கான், ஷாரூக் கான், அல்லது அமீர் கானாக இருக்கவேண்டும். கைவசம் உள்ள அடுத்தடுத்த படங்கள் மட்டுமே தான் என் எதிர்காலம். அதற்கு பின் புதிய படங்கள் வரலாம் அல்லது வராமலும் போகலாம். அதற்குள் இந்த ஆப் மற்றும் நான் சம்பாதித்து வைத்திருக்கும் பெயரை வைத்து என்னுடைய எதிர்கால வாழ்க்கையை திட்டமிட முடியும். என்னுடைய ரசிகர்களால் தான் நான் இப்போது இந்த இடத்தில் இருக்கிறேன். அவர்களை நான் இந்த ஆப் மூலம் தொடர்பு கொள்ளலாம்’ என்று உருக்கமாக சொல்லி முடித்தார்.
     

    - அமி சேத், பாலிவுட்நியூஸ் சர்வீஸ் (தமிழில் உமா ஷக்தி)

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai