இந்த வாரம் 6 படங்கள் வெளியாகவுள்ளன.
மே 18 அன்று பாஸ்கர் ஒரு ராஸ்கல், காளி, செம போத ஆகாதே, செயல், பால்காரி, 18.05.2009 ஆகிய படங்கள் வெளியாகவுள்ளதாக அறிவிக்கப்பட்டுள்ளன. பாஸ்கர் ஒரு ராஸ்கல், காளி, செம போத ஆகாதே ஆகிய 3 படங்களுக்கும் நல்ல வசூலும் கவனமும் கிடைக்கும் என எதிர்பார்க்கப்படுகிறது.
அரவிந்த் சாமி, அமலா பால் நடிப்பில் சித்திக் இயக்கத்தில் உருவாகியுள்ள படம் - பாஸ்கர் ஒரு ராஸ்கல். இசை - அம்ரிஷ்.
கிருத்திகா உதயநிதி, வணக்கம் சென்னை படத்துக்குப் பிறகு இயக்கியுள்ள படம் - காளி. விஜய் ஆண்டனி இதில் கதாநாயகனாக நடித்துள்ளார். அஞ்சலி, சுனைனா, யோகி பாபு போன்றோரும் நடித்துள்ளார்கள்.
பத்ரி வெங்கடேஷ் இயக்கத்தில் அதர்வா முரளி, மிஷ்டி சக்கரவர்த்தி நடித்துள்ள படம் - செம போத ஆகாதே. இசை - யுவன் சங்கர் ராஜா.