ரஜினி நடிப்பில் வெளியாகவுள்ள 2.0 படத்தை இணையதளத்தில் வெளியிடுவோம் என்று தமிழ் ராக்கர்ஸ் டிவிட்டரில் பதிவிட்டுள்ளது.
ரஜினி - ஷங்கர் கூட்டணியில் உருவாகியுள்ள 2.0 படத்தை லைகா நிறுவனம் தயாரித்துள்ளது. இந்தப் படத்தில் ரஜினிக்கு இணையான கதாபாத்திரத்தில் பாலிவுட் நடிகர் அக்ஷய் குமார் நடித்துள்ளார். கதாநாயகி - ஏமி ஜாக்சன். ஏ.ஆர். ரஹ்மான் இசை அமைத்துள்ளார். 3டி தொழில்நுட்பத்தில் 2.0 படம் உருவாகி வருகிறது. இது வரும் நவம்பர் 29 ஆம் தேதி அன்று வெளியாகவுள்ளது.
இந்நிலையில், இந்தப் படம் இணையதளத்தில் வெளியிடப்படும் என்று தமிழ் ராக்கர்ஸ் டிவிட்டர் பக்கத்தில் பதிவிட்டுள்ளது.
முன்னதாக, விஜய் நடிப்பில் வெளியான சர்கார் படம் ஹெச்டி பிரிண்டில் வெளியாகும் என்று படம் வெளிவருவதற்கு முன்னதாகவே டிவிட்டர் பக்கத்தில் தெரிவித்தது. இதை தடுக்க தமிழ்த் திரைப்பட தயாரிப்பாளர்கள் சங்கம் நடவடிக்கை மேற்கொள்ள வேண்டும் என்று திரையரங்க உரிமையாளர்களிடம் வேண்டுகோள் விடுத்தனர். இருப்பினும், சர்கார் படத்தை வெளியான முதல் தினமே தமிழ் ராக்கர்ஸ் தனது இணையதளத்தில் வெளியிட்டது.