மணி ரத்னம் இயக்கத்தில் உருவாகி வரும் செக்கச் சிவந்த வானம் படத்தில் சிம்பு, விஜய் சேதுபதி, அரவிந்த் சாமி, அருண் விஜய், ஜோதிகா, ஐஸ்வர்யா ராஜேஷ், அதிதி ராவ் போன்றோர் நடிக்கிறார்கள். இசை: ஏ.ஆர்.ரஹ்மான். ஒளிப்பதிவு: சந்தோஷ் சிவன், படத்தொகுப்பு: ஸ்ரீகர் பிரசாத். இது மெட்ராஸ் டாக்கீஸ் நிறுவனத்தின் 17-வது தயாரிப்பு.
இந்தப் படம் செப்டம்பர் 28 அன்று வெளியாகவுள்ளதாக அதிகாரபூர்வமாக அறிவிக்கப்பட்டுள்ளது. செப்டம்பர் 13 அன்று சீமராஜா-வும் செப்டம்பர் 20 அன்று சாமி 2-வும் செப்டம்பர் 27 அன்று என்னை நோக்கி பாயும் தோட்டாவும் வெளியாகத் திட்டமிடப்பட்டுள்ள நிலையில் செப்டம்பர் 28 அன்று செக்கச் சிவந்த வானம் வெளியாகவுள்ளது.
இந்நிலையில், இன்று இப்படத்தின் பாடல்கள் வெளியிடப்படுகின்றன. மாலை 5 மணிக்கு 2 பாடல்கள் வெளியிடப்படுகின்றன. அதன்பிறகு சென்னையில் ரஹ்மான் முன்னிலையில் இசை நிகழ்ச்சி நடைபெறவுள்ளது. இதையொட்டி வெளியிடப்பட்டுள்ள பட போஸ்டரில் நடிகர்களுடன் இணைந்து ரஹ்மானின் படமும் இடம்பெற்றிருப்பது ரஹ்மான் ரசிகர்களைக் குஷிப்படுத்தியுள்ளது.
