தன்னுடைய தந்தை அனில் கபூருடன் ஒரு படத்திலாவது சேர்ந்து நடிக்க வேண்டுமென்று எதிர்பார்த்திருந்த சோனம் கபூருக்கு "ஏக் லட்கி கோ தேக்கா தோ அய்ஷா லகா' என்ற படத்தில் அந்த வாய்ப்பு கிடைத்திருக்கிறது. நாம் இருவரும் சேர்ந்தாற்போல் ஒரு படத்திலாவது நடிக்க வேண்டுமென்று நான் என் தந்தையிடம் கூறியதுண்டு. தந்தைக்கும் மகளுக்குமான உறவை சொல்வதோடு, இது ஒரு காதல் கதை என்பதால் கதையை கேட்டவுடன், என்னுடன் நடிக்க அவர் ஒப்புக் கொண்டது மகிழ்ச்சியாக இருக்கிறது'' என்கிறார் சோனம் கபூர்.
**
சல்மான் கானின் சொந்த தயாரிப்பான "பாரத்' படத்தில் நடிக்க முதலில் ஒப்புக் கொண்ட பிரியங்கா சோப்ரா. கடைசி நிமிடத்தில் விலகிவிட்டார். இதன் காரணமாக ஜோத்பூரில் நடந்த பிரியங்கா- நிக்ஜோன்ஸ் திருமணத்திற்கு பிரியங்கா அழைப்பு விடுத்தும் சல்மான் செல்லவில்லை. இருப்பினும் மும்பையில் நடந்த தன் திருமண வரவேற்பு நிகழ்ச்சிக்காவது சல்மான் வரவேண்டும் என்று கருதிய பிரியங்கா, சல்மானின் தங்கையும் தனது நெருங்கிய தோழியுமான அர்பிதா மூலம் விடுத்த சமாதான தூதை ஏற்ற சல்மான் திருமண வரவேற்பில் கலந்துகொண்டது பிரியங்காவை நெகிழ வைத்து விட்டதாம்.
**