சுடச்சுட

    

    தொடரும் சிக்கல்: ஆடை படத்தின் காலைக்காட்சி ரத்தானது

    By எழில்  |   Published on : 19th July 2019 11:09 AM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    aadai_newxx

     

    மேயாத மான் படத்தை இயக்கிய ரத்னகுமார் அடுத்து இயக்கியுள்ள படம் - ஆடை. அமலா பால் பிரதான வேடத்தில் நடித்துள்ளார். தணிக்கையில் ஏ சான்றிதழ் பெற்றுள்ளது.

    இந்நிலையில் இன்று வெளியாவதாக அறிவிக்கப்பட்ட ஆடை படத்தின் காலைக் காட்சி மற்றும் பத்திரிகையாளர் காட்சிகள் ரத்தாகியுள்ளன. தயாரிப்பாளருக்குப் பண விவகாரம் தொடர்பான பிரச்னைகள் உள்ளதால் திரையரங்குகளுக்கு கேடிஎம் அனுப்பப்படவில்லை. இதனால் காலைக்காட்சிகளுக்கு முன்பதிவு செய்திருந்த ரசிகர்கள் ஏமாற்றம் அடைந்தார்கள். தங்கள் வருத்தத்தையும் கோபத்தையும் சமூகவலைத்தளங்களில் பதிவு செய்துள்ளார்கள்.

    தமிழ் சினிமாவில் அடிக்கடி இதுபோன்ற சிக்கல்கள் உருவாவதால் ரசிகர்களுக்குச் சிக்கல் ஏற்படுகிறது. ரசிகர்களின் பணம் மட்டுமல்லாமல் நேரமும் வீணாகிறது. ஒரு படத்தின் வெளியீட்டுக்குப் பிரச்னை எதுவும் இல்லை என்கிற நிலை உருவான பிறகே முன்பதிவைத் தொடங்கவேண்டும் என்று ரசிகர்கள் கோரிக்கை வைத்தாலும் இதுபோன்ற சிக்கல்களுக்குத் தீர்வு எதுவும் இதுவரை காணப்படவில்லை.

    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai