நயன்தாரா நடித்துள்ள கொலையுதிர் காலம் படத்தின் டிரெய்லர் வெளியீட்டு விழாவில் கலந்துகொண்ட மூத்த நடிகர் ராதாரவி, நயன்தாரா குறித்து அநாகரிகமாகப் பேசியதால் சர்ச்சை எழுந்துள்ளது. இதையடுத்து தயாரிப்பாளர்கள் சங்கத் தலைவர் விஷால் ராதாவிக்குக் கண்டனம் தெரிவித்துள்ளார். ட்விட்டரில் அவர் கூறியுள்ளதாவது:
நடிகர் சங்கத்தின் பொதுச்செயலாளராக, உங்களுடைய முட்டாள்தனத்துக்கு எதிராகக் கண்டனக் கடிதம் எழுதியதற்கு மகிழ்ச்சி அடைகிறேன். உங்களுக்கு அது அனுப்பப்பட்டுள்ளது. வளருங்கள் சார். இனிமேல் நீங்கள் ரவி என்றே உங்களைக் குறிப்பிட்டுக்கொள்ளுங்கள். ஏனெனில் உங்கள் பெயரில் ஒரு பெண் பெயரும் உள்ளதல்லவா என்று கூறியுள்ளார்.