Enable Javscript for better performance
Avengers: Endgame Crushes 2 Billion dollar Milestone in Record Time- Dinamani

உடனுக்கு உடன் செய்திகள்

    உலகளவில் அதிக வசூலைப் பெற்ற 2-வது படம்: அவெஞ்சர்ஸ்: எண்ட் கேம் புதிய சாதனை!

    By எழில்  |   Published On : 06th May 2019 11:35 AM  |   Last Updated : 06th May 2019 11:35 AM  |  அ+அ அ-  |  

    avengers_end_game112xx

     

    உலகளவில் 2 பில்லியன் டாலர் (ரூ. 13,875 கோடி) வசூலை விரைவாகப் பெற்ற படம் என்கிற பெருமையை அடைந்துள்ளது அவெஞ்சர்ஸ்: எண்ட் கேம்.

    அவெஞ்சர்ஸ்: இன்பினிட்டி வார் படத்தின் அடுத்தப் பாகமான அவெஞ்சர்ஸ்: எண்ட் கேம் (Avengers: Endgame) படம் அதே படக்குழுவினரால் தற்போது உருவாக்கப்பட்டுள்ளது. ராபர்ட் டெளனி ஜூனியர், கிறிஸ் ஹெம்ஸ்வொர்த், மார்க் ருஃபல்லோ நடிப்பில் ஆந்தோனி ரூஸோ, ஜோ ரூஸோ இயக்கியுள்ளார்கள். ஏப்ரல் 26 அன்று வெளியானது.

    இதுவரையிலான 2.18 பில்லியன் டாலர் (ரூ. 15, 121 கோடி) வசூலின் மூலம் உலகளவில் அதிக வசூலை அடைந்த படங்களில் 2-ம் இடத்தைப் பிடித்துள்ளது அவெஞ்சர்ஸ்: எண்ட் கேம் படம். இதன்மூலம் 2.78 பில்லியன் டாலர் (ரூ. 19,282 கோடி) வசூலைப் பெற்று முதலிடத்தில் உள்ள அவதார் படத்தின் இடத்தை விரைவில் அடையவுள்ளது. இதையடுத்து வரும் நாள்களில் புதிய உலக சாதனை நிகழ்த்தப்படவுள்ளது.

    11 நாள்களில் டைட்டானிக் படத்தின் ஒட்டுமொத்த வசூலைத் தாண்டியுள்ளது அவெஞ்சர்ஸ்: எண்ட்கேம். மேலும், இதற்கு முன்பு  2 பில்லியன் டாலர் வசூலை 47 நாள்களில் அடைந்த அவதார் படத்தின் சாதனையையும் பின்னுக்குத் தள்ளியுள்ளது. இதன் முந்தைய பாகமான அவெஞ்சர்ஸ்: இன்பினிட்டி வார், படம் வெளியான ஏழு வாரம் கழித்து, உலகளவில் 2 பில்லியன் டாலர் வசூலித்தது.

    அவதார், டைட்டானிக், ஸ்டார் வார்ஸ்: தி ஃபோர்ஸ் அவேகன்ஸ் (Star Wars: The Force Awakens), அவெஞ்சர்ஸ்: இன்பினிட்டி வார் ஆகிய நான்கு படங்கள் மட்டுமே 2 பில்லியன் டாலரை வசூலைத் தாண்டிய நிலையில், இந்த வெற்றிக்கோட்டை எட்டிய ஐந்தாவது படம் என்கிற பெருமையைப் பெற்றுள்ளது அவெஞ்சர்ஸ்: எண்ட் கேம்.

    உலகளவில் அதிகம் வசூலித்த படங்கள்

    1. அவதார் - 2.78 பில்லியன் டாலர் (ரூ. 19,282 கோடி)

    2. அவெஞ்சர்ஸ்: எண்ட் கேம் - 2.18 பில்லியன் டாலர் (ரூ. 15, 121 கோடி)*
    3. டைட்டானிக் - 2.18 பில்லியன் டாலர் (ரூ. 15, 121 கோடி)
    4. ஸ்டார் வார்ஸ்: தி ஃபோர்ஸ் அவேகன்ஸ் - 2.1 பில்லியன் டாலர் (ரூ. 14,570 கோடி)

    5. அவெஞ்சர்ஸ்: இன்பினிட்டி வார் - 2.04 பில்லியன் டாலர் (ரூ. 14154 கோடி)


    (* = மே 5 வரையிலான வசூல்)


    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    • அதிகம்
      படிக்கப்பட்டவை
    • அதிகம் பகிரப்பட்டவை
    kattana sevai
    flipboard facebook twitter whatsapp