வெளியானது நடிகர் சூர்யாவின்

சென்னை: நடிகர் சூர்யாவின் "சூரரைப் போற்று" படத்தின் பர்ஸ்ட் லுக் ஞாயிறு மாலை வெளியானது

‘இறுதிச்சுற்று’ சுதா கொங்கராவின் அடுத்தப் படமான சூரரைப் போற்று படத்தில் கதாநாயகனாக நடித்துள்ளார் சூர்யா. இது அவருடைய 38-வது படம். கதாநாயகியாக மலையாள நடிகை அபர்ணா முரளி நடித்துள்ளார். எட்டு தோட்டாக்கள், சர்வம் தாளமயம் ஆகிய தமிழ்ப்படங்களில் இவர் நடித்துள்ளார். இப்படத்துக்கு இசை - ஜி.வி. பிரகாஷ். ஒளிப்பதிவு - நிகேத் பொம்மிரெட்டி.

சூர்யாவின் 2டி நிறுவனமும் குனீத் மோங்காவின் சிக்யா நிறுவனமும் இணைந்து இப்படத்தைத் தயாரித்துள்ளன. குனீத் மோங்கா இப்படத்தின் மூலம் தயாரிப்பாளராகத் தமிழில் அறிமுகமாகிறார். இவர் ஹிந்தியில் லஞ்ச்பாக்ஸ், மாசான் போன்ற படங்களைத் தயாரித்துள்ளார்.

ஏப்ரல் 8 அன்று படப்பிடிப்பு தொடங்கிய நிலையில் கடந்த மாதம் படப்பிடிப்பு நிறைவு பெற்றது. பொங்கல் அன்று இந்தப் படம் வெளியாகும் என எதிர்பார்க்கப்படுகிறது. 

இந்நிலையில் "சூரரைப் போற்று" படத்தின் பர்ஸ்ட் லுக் ஞாயிறு மாலை வெளியானது.