Enable Javscript for better performance
atharva brother akash to tie knots | விஜய் தலைமையில் டும் டும் டும் கொட்டவிருக்கும் முரளியின் மகன்!- Dinamani

சுடச்சுட

    

    நடிகர் விஜய் தலைமையில் டும் டும் டும் கொட்டவிருக்கும் முரளியின் மகன்!

    By சினேகா  |   Published on : 11th November 2019 02:10 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    akash

    atharva and akash

     

    மறைந்த நடிகர் முரளியின் மகன் அதர்வா விரைவில் நடிகர் விஜய்க்கு உறவினர் ஆகப் போகிறார் என்ற செய்தி சில மாதங்கள் முன் கோலிவுட்டில் உலா வந்தது. அது உண்மைதான் என்பதை உறுதிப்படுத்தியுள்ளது தற்போது வெளிவந்துள்ள ஒரு செய்தி.

    இதயம் படப் புகழ் முரளியின் மூத்த மகன் அதர்வா. இவர் தந்தை வழியில் நடிப்பில் பிரபலமானார். இளைய மகன் ஆகாஷுக்கு நடிப்பை விட இயக்குனராவதில்தான் விருப்பம் இருந்தது. லயோலா கல்லூரியில் படித்துக் கொண்டிருந்த சமயம் சினேகா என்பவரை சந்தித்துள்ளார். இவர் 'விஜய் 64’ படத்தைத் தயாரிக்கும் சேவியர் பிரிட்டோவின் மகள். 

    2012-ம் ஆண்டு வெளியான சட்டம் ஒரு இருட்டறை 2 படத்தை இயக்கினார் சினேகா. படம் சரியாக ஓடவில்லை. கல்லூரியில் சந்தித்த இந்த இணையரின் நட்பு காதலாக மலர்ந்தது. இருவரும் வெவ்வேறு மதங்களைச் சேர்ந்தவர்கள் என்பதால் பெரியவர்களின் சம்மதம் கிடைக்க கால தாமதம் ஆகியிருக்கிறது. மேலும், அண்ணனுக்குத் திருமணம் முடிந்த பிறகுதான் தனக்கு என்று ஆகாஷ் கூறியிருந்ததும் மற்றொரு காரணம்.

    இந்நிலையில் தற்போது இரு வீட்டாரின் சம்மதமும் காதலர்களுக்குக் கிடைத்துள்ளது. இந்த மகிழ்ச்சியைக் கொண்டாடும் வகையில் சினேகா, காதலர் ஆகாஷுக்கு விலை உயர்ந்த கார் ஒன்றை பரிசளித்துள்ளார். சேவியர் பிரிட்டோ விஜய்யின் உறவினர் என்பது அனைவரும் அறிந்த விஷயம். இந்தத் திருமண நிச்சயதார்த்த விழாவை விஜய் சென்னை வந்தவுடன் நடத்தலாம் என்று முடிவு செய்துள்ளனர். விஜய் தற்போது தில்லியில் தளபதி 64 படப்படிப்பில் உள்ளார். அந்த ஷெட்யூல் முடிந்தவுடன், அவரது தலைமையில் சென்னையில் நிச்சயதார்த்தமும் அதன் பிறகு விரைவில் திருமணமும் நடைபெறவிருக்கிறது. 

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai