பிக் பாஸ் நிகழ்ச்சியின் முதல் பாகத்தில் கலந்துகொண்ட பிறகு ஹரிஷ் கல்யாணுக்குத் தமிழ்த் திரையுலகில் கதாநாயகனாக நடிக்கக்கூடிய வாய்ப்புகள் அதிகம் கிடைத்து வருகின்றன. கடந்த வருடம் இவர் நடித்த பியார் பிரேமா காதல் படம் வெற்றி பெற்றதால் மேலும் கூடுதல் கவனம் பெற்றார். அதன்பிறகு இந்த வருடம் இஸ்பேட் ராஜாவும் இதய ராணியும் வெளியானது. அடுத்ததாக தனுசு ராசி நேயர்களே வெளியாகவுள்ளது. இதற்கடுத்து, இயக்குநர்கள் சசி, சிம்புதேவன் படங்களில் ஹரிஷ் கல்யாண் நடிக்கவுள்ளார்.
ஹரிஷ் கல்யாண், ரெபா மோனிகா ஜான், டிகன்கானா சூர்யவன்ஷி, யோகி பாபு நடிப்பில் சஞ்சய் பாரதி இயக்கத்தில் உருவாகியுள்ள படம் - தனுசு ராசி நேயர்களே. நடிகரும் இயக்குநருமான சந்தான பாரதியின் மகனான சஞ்சய் பாரதி இயக்கியுள்ள முதல் படம் இது. இசை - ஜிப்ரான். டிசம்பர் 6 அன்று வெளியாகவுள்ள தனுசு ராசி நேயர்களே படத்தின் டிரெய்லர் தற்போது வெளியிடப்பட்டுள்ளது.