Enable Javscript for better performance
The first look for the Telugu version of Bigil is out- Dinamani

சுடச்சுட

    

    தமிழில் பிகில், தெலுங்கில் விசில்: வெளியானது ஃபர்ஸ்ட் லுக் போஸ்டர்!

    By DIN  |   Published on : 06th October 2019 07:14 PM  |   அ+அ அ-   |   எங்களது தினமணி யுடியூப் சேனலில், சமீபத்திய செய்தி மற்றும் நிகழ்வுகளின் வீடியோக்களைப் பார்க்க, சப்ஸ்கிரைப் செய்ய இங்கே கிளிக் செய்யுங்கள்!

    bigil_2cc

     

    விஜய் நடிப்பில் உருவாகியுள்ள பிகில் படத்தின் தெலுங்கு டைடில் மற்றும் ஃபர்ஸ்ட் லுக் போஸ்டர் தற்போது வெளியாகியுள்ளது. 

    ராஜா ராணி, தெறி, மெர்சல் ஆகிய படங்களை இயக்கியுள்ள பிரபல இயக்குநர் அட்லி அடுத்ததாக விஜய் கதாநாயகனாக நடிக்கும் பிகில் படத்தை இயக்கியுள்ளார். மெர்சல் படத்துக்குப் பிறகு விஜய் - அட்லி - ஏ.ஆர். ரஹ்மான் கூட்டணி இந்தப் படத்தில் மீண்டும் இணைந்துள்ளது. 

    இப்படத்தில் நயன்தாரா, ஜாக்கி ஷெராப், விவேக், யோகிபாபு, கதிர் போன்றோர் நடித்துள்ளார்கள். ஒளிப்பதிவு - ஜி.கே. விஷ்ணு, பாடல்கள் - விவேக், படத்தொகுப்பு - ரூபன் எல். ஆண்டனி, கலை - முத்துராஜ், சண்டைப் பயிற்சி - அனல் அரசு. 

    தீபாவளிக்கு வெளியாகவிருக்கும் இப்படத்தின் இசை வெளியீட்டு விழா கடந்த செப்டம்பர் 19-ஆம் தேதி நடைபெற்றது. 

    அதேசமயம், இப்படத்தின் தெலுங்கு உரிமையை ஈஸ்ட் கோஸ்ட் புரொடக்ஷன்ஸ் நிறுவனம் கைப்பற்றியது. இந்நிலையில், தெலுங்கு மொழியில் வெளியாகவிருக்கும் இப்படத்தின் பெயர் மற்றும் ஃபர்ஸ்ட் லுக் போஸ்டரை இசையமைப்பாளர் ஏ.ஆர். ரஹ்மான் இன்று வெளியிட்டார். 

    அதன்படி இதற்கு தெலுங்கில் விசில் என பெயர் வைக்கப்பட்டுள்ளது.

     

    TAGS
    Whistle
    • அதிகம்
      படிக்கப்பட்டவை
    • அதிகம் இ-மெயில் செய்யப்பட்டவை
    google_play app_store
    kattana sevai