இசையமைப்பாளரும் பாடகருமான ஹிப்ஹாப் தமிழா கதாநாயகனாக நடிக்கும் மூன்றாவது படம் குறித்த அறிவிப்பு வெளியாகியுள்ளது.
சுந்தர் சி தயாரிக்கும் நான் சிரித்தால் என்கிற படத்தில் மீண்டும் கதாநாயகனாக நடிக்கிறார் ஹிப்ஹாப் தமிழா. இதற்கு முன்பு மீசைய முறுக்கு, நட்பே துணை ஆகிய படங்களில் அவர் கதாநாயகனாக நடித்துள்ளார். இயக்குநர் ஷங்கரிடம் உதவி இயக்குநராகப் பணிபுரிந்த ராணா, இப்படத்தின் மூலம் இயக்குநராக அறிமுகமாகிறார். இப்படத்தின் முதல் பார்வை போஸ்டரை ரஜினி வெளியிட்டுள்ளார்.
