லஸ்ட் ஸ்டோரீஸ் என்கிற வெப் சீரீஸ் (இணையத் தொடர்) கடந்த வருடம் வெளியாகி மிகுந்த கவனத்தைப் பெற்றது.
பெண்களின் உணர்வுகளை வெளிப்படுத்தும் நான்குக் கதைகளைக் கொண்ட இந்த இணையத் தொடரில் கியாரா அத்வானி, ராதிகா ஆப்தே, மணிஷா கொய்ராலா போன்ற நடிகைகள் நடித்தார்கள். கரன் ஜோஹர், அனுராக் காஷ்யப், ஜோயா அக்தர், திபாகர் பேனர்ஜி ஆகியோர் இயக்கினார்கள்.
இந்தத் தொடர் தற்போது தெலுங்கில் படமாக்கப்படவுள்ளது. ஒரு கதையில் நடிக்க அமலா பால் சம்மதம் தெரிவித்துள்ளார். சமந்தா நடித்த ஓ பேபி படத்தை இயக்கிய நந்தினி ரெட்டி, அமலா பால் இடம்பெறும் கதையை இயக்கவுள்ளார். இதர கதைகளை தருண் பாஸ்கர், சங்கல்ப் ரெட்டி, சந்தீப் வாங்கா ஆகியோர் இயக்கவுள்ளார்கள்.