Enable Javscript for better performance
பிரபல நகைச்சுவை நடிகர் காலமானார்! Noted Telugu comedian Venu Madhav no more- Dinamani

சுடச்சுட

    
    venu_madhav1

    வேணு மாதவ் (@Gopimohan/Twitter)

     

    பிரபல தெலுங்கு நகைச்சுவை நடிகர் வேணு மாதவ் உடல்நலக்குறைவால் இன்று காலமானார். அவருக்கு வயது 39.

    செகந்திராபாத் யசோதா மருத்துவமனையில் கடந்த இரு வாரங்களாக சிகிச்சை எடுத்து வந்தார் வேணு மாதவ். சிறுநீரக மாற்று அறுவை சிகிச்சை செய்யச் சொல்லி மருத்துவர்கள் பரிந்துரைத்த நிலையில் கடந்த ஞாயிறன்று வீட்டுக்குத் திரும்பினார் வேணு மாதவ். எனினும் நேற்று அவருடைய உடல்நிலை மோசமானதையடுத்து, உடனடியாக மருத்துவமனைக்குக் கொண்டு செல்லப்பட்டார். இந்நிலையில், இன்று மதியம், வேணு மாதவ் சிகிச்சை பலனின்றி காலமானார்.

    நல்கொண்டா மாவட்டத்தில் பிறந்த வேணு மாதவ், மிமிக்ரி கலைஞராகக் கவனம் பெற்றதால், பட வாய்ப்பைப் பெற்றார். 1996-ல் சமப்ரதயம் என்கிற தெலுங்குப் படத்தின் மூலம் நடிகராக அறிமுகமானார். 150-க்கும் அதிகமான தெலுங்கு மற்றும் தமிழ்ப் படங்களில் நடித்த வேணு, கடைசியாக 2016-ல் டாக்டர் பிரமாநந்தையா ஸ்டூடன்ஸ் என்கிற படத்தில் நடித்தார். 

    வேணு மாதவின் மறைவுக்குத் திரையுலகினரும் ரசிகர்களும் இரங்கல் தெரிவித்துள்ளார்கள்.

    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai