விரைவில் வெளிவரவுள்ள விஜய் நடித்த மாஸ்டர் படம்: புதிய அறிவிப்பு

மாஸ்டர் படம் சரியான சமயத்தில் உங்களைச் சந்திக்கும் என லோகேஷ் கனகராஜும் ட்வீட் செய்துள்ளார்...
விரைவில் வெளிவரவுள்ள விஜய் நடித்த மாஸ்டர் படம்: புதிய அறிவிப்பு

பிகில் படத்துக்குப் பிறகு மாநகரம் பட இயக்குநர் லோகேஷ் கனகராஜ் இயக்கத்தில் நடித்துள்ளார் விஜய். மாஸ்டர் என்று பெயரிடப்பட்டுள்ள இந்தப் படத்துக்கு இசை - அனிருத். மாஸ்டர் படத்தில் விஜய், விஜய் சேதுபதி, மாளவிகா மோகனன், சாந்தனு, ஆண்ட்ரியா போன்றோர் நடித்துள்ளார்கள்.

சீனாவின் வூஹான் நகரிலிருந்து பரவத் தொடங்கிய கரோனா வைரஸ் தற்போது உலகையே அச்சுறுத்தி வருகிறது. உலகம் முழுவதும் பரவியுள்ள இந்த வைரஸால் இதுவரை 88,000-க்கும் மேற்பட்டோா் உயிரிழந்துவிட்டனா். இந்தியாவைப் பொறுத்தவரை இதுவரை 5,700 பேருக்கு மேல் இந்த வைரஸின் பாதிப்பு உறுதி செய்யப்பட்டுள்ளது.

கரோனா அச்சுறுத்தல் காரணமாக, திரைப்படப் படப்பிடிப்புகள் அனைத்தும் தற்போது ரத்து செய்யப்பட்டுள்ளன. திரையரங்குகளும் இயங்கவில்லை. இதனால் இன்று வெளியாகவிருந்த மாஸ்டர் படத்தின் வெளியீடு ஒத்திவைக்கப்பட்டுள்ளது.

இந்நிலையில் இன்று மாஸ்டர் படத் தரப்பிலிருந்து ஓர் அறிவிப்பு வெளியாகியுள்ளது. ஊரடங்கு உத்தரவு நமது ஆர்வத்தைத் தள்ளிவிடக் கூடாது. மாஸ்டர் படம் விரைவில் உங்களைச் சந்திக்கும் என்று அதில் கூறப்பட்டுள்ளது. மாஸ்டர் படம் சரியான சமயத்தில் உங்களைச் சந்திக்கும் என லோகேஷ் கனகராஜும் ட்வீட் செய்துள்ளார்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com