Enable Javscript for better performance
Irrfan buried at Versova Kabristan, sons Babil and Ayan perform last rites- Dinamani

சுடச்சுட

    

    இர்பான் கான் உடல் நல்லடக்கம்: இறுதிச்சடங்குகளை செய்த மகன்கள்

    By DIN  |   Published on : 29th April 2020 06:33 PM  |   அ+அ அ-   |    |  

    irfan1xx

     

    உடல்நலக்குறைவால் உயிரிழந்த பாலிவுட் நடிகர் இர்பான் கானின் உடல் நல்லடக்கம் செய்யப்பட்டது.

    தேசிய விருது பெற்ற பிரபல பாலிவுட் நடிகர் இர்பான் கான் உடல்நலக் குறைவால் காலமாகியுள்ளார். அவருக்கு வயது 53. இர்பான் கான், 1988 முதல் ஹிந்திப் படங்களில் நடித்து வந்தார். 2011-ல் பான் சிங் தோமர் படத்தில் நடித்ததற்காக சிறந்த நடிகருக்கான தேசிய விருதைப் பெற்றார். 2018-ல் தான் புற்றுநோயால் பாதிக்கப்பட்டுள்ளதாக அறிவித்தார் இர்பான் கான். லண்டனில் இதற்காக சிகிச்சை எடுத்துக்கொண்டு வந்தார்.

    சில நாள்களுக்கு முன்பு இர்பான் கானின் தாய் காலமனார். இந்நிலையில் உடல்நலக்குறைவால் பாதிக்கப்பட்ட இர்பான் கான், மும்பையில் உள்ள கோகிலாபென் திருபாய் அம்பானி மருத்துவமனையில் அனுமதிக்கப்பட்டார். உடல்நிலை மோசமாக இருந்ததால் அவசர சிகிச்சைப் பிரிவில் அனுமதிக்கப்பட்டிருந்தார். இந்நிலையில் சிகிச்சை பலனின்றி இர்பான் கான் இன்று காலமானார். அவருக்கு சுதாபா சிக்தர் என்கிற மனைவியும் இரு மகன்களும் உண்டு.

    இர்பான் கானின் மறைவுக்கு பாலிவுட் பிரபலங்களும் ரசிகர்களும் இரங்கல் தெரிவித்துள்ளார்கள். பிரதமர் மோடி, குடியரசுத் தலைவா் ராம்நாத் கோவிந்த், மத்திய உள்துறை அமைச்சா் அமித் ஷா, தில்லி முதல்வர் அரவிந்த் கேஜரிவால் உள்ளிட்டோரும் இரங்கல் தெரிவித்துள்ளார்கள்.

    இந்நிலையில் இர்பான் கானின் இறுதிச்சடங்கு குறித்து அவர்கள் குடும்பத்தினர் அறிக்கை வெளியிட்டுள்ளார்கள். அதில் கூறப்பட்டுள்ளதாவது:

    மும்பையில் இன்று மாலை 3 மணிக்கு இர்பான் கானின் உடல் நல்லடக்கம் செய்யப்பட்டது. இறுதிச்சடங்கு நிகழ்வில் குடும்பத்தினர்களும் நெருங்கிய நண்பர்களும் கலந்துகொண்டார்கள். அனைவரும் இர்பான் கானுக்கு இறுதி மரியாதை செலுத்தினார்கள் என்று கூறப்பட்டுள்ளது.

    இர்பான் கானின் மகன்களான பாபில், அயன் ஆகிய இருவரும் இறுதிச் சடங்குகளைச் செய்தார்கள். இர்பான் கானின் குடும்பத்தைச் சேர்ந்த ஐந்து பேர் மட்டுமே இந்நிகழ்வில் கலந்துகொண்டதாகக் கூறப்படுகிறது. ஊரடங்கு உத்தரவு அமலில் உள்ளதால் மும்பையின் வெர்சோவா கப்ரிஸ்தானில் நடைபெற்ற இறுதிச்சடங்கில் இர்பானின் திரையுலக நண்பர்கள் கலந்துகொள்ள அனுமதிக்கப்படவில்லை. எனினும் இர்பானின் நண்பரும் இயக்குநருமான விஷால் பரத்வாஜ், இறுதிச்சடங்கில் கலந்துகொண்டார்.

    TAGS
    Irrfan

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp