மறைந்த நடிகர் சேதுராமனின் மனைவிக்கு ஆண் குழந்தை பிறந்துள்ளது.
நடிகரும், மருத்துவருமான சேதுராமன் சென்னையில் கடந்த மார்ச் மாதம் இதய செயலிழப்பால் உயிரிழந்தாா்.
‘கண்ணா லட்டு திங்க ஆசையா’ என்ற திரைப்படத்தின் மூலம் அறிமுகமான சேதுராமன், அதைத் தொடா்ந்து, ‘வாலிப ராஜா’, ‘சக்கபோடு போடு ராஜா’ உள்ளிட்ட 4 படங்களில் நடித்துள்ளாா். பிரபல தோல் மருத்துவரான அவா் இதய செயலிழப்பால் உயிரிழந்தது தமிழ்த் திரையுலகை அதிர்ச்சியடைய வைத்தது.
சேதுராமனின் மனைவி பெயர் உமையாள். 2016-ல் திருமணம் செய்துகொண்டார்கள். இருவருக்கும் ஒரு மகள் உள்ளார். சேதுராமன் மறைவின் போது உமையாள் 2-வது முறையாக கர்ப்பமாக இருந்தார். இந்நிலையில் உமையாளுக்கு ஆண் குழந்தை பிறந்துள்ளது.