பாலிவுட் நடிகை ஆர்யா பானர்ஜி அவரது இல்லத்தில் சடலமாக மீட்கப்பட்டுள்ளார்.
2011-ல் வெளிவந்த தி டர்டி பிக்சர் படத்தில் ஷகீலா வேடத்தில் நடித்தார் ஆர்யா பானர்ஜி. மேலும் சில படங்களில் நடித்துள்ளார். ஆர்யா, சிதார் கலைஞர் நிகில் பானர்ஜியின் மகள்.
இந்நிலையில் தெற்கு கொல்கத்தாவில் வசிந்த வந்த 33 வயது ஆர்யா, தனது வீட்டுப் படுக்கை அறையில் இன்று சடலமாகக் கிடந்துள்ளார். அந்த வீட்டில் தனியாக வசித்து வந்த நிலையில், இன்று காலை, வீட்டுப் பணிப்பெண் வழக்கம்போல வேலைக்கு வந்துள்ளார். கதவை அவர் பலமுறை தட்டியும் திறக்கப்படாததால் காவலர்களிடம் இதுபற்றி கூறினார். தகவல் அறிந்த காவலர்கள், கதவை உடைத்து வீட்டுக்குள் சென்று பாா்த்தபோது ஆர்யா, சடலமாகக் கிடந்துள்ளார்.
இதையடுத்து, உடலைப் பிரேதப் பரிசோதனைக்காகக் காவலர்கள் அனுப்பி வைத்ததுடன் வழக்குப் பதிந்து விசாரணை நடத்தி வருகின்றனா்.