கொரியத் திரைப்படத்துக்கும் விஜய் நடிக்கும் மாஸ்டருக்கும் என்னென்ன ஒற்றுமைகள்?

லோகேஷ் கனகராஜ் இயக்கத்தில் நடிகர் விஜய்யின் அடுத்த படம் மாஸ்டர். இது தென்கொரியத் திரைப்படமான 'சைலன்ஸ்ட்' எனும் படத்தைத் தழுவி எடுக்கப்படுவதாக வதந்தி பரவியுள்ளது.
கொரியத் திரைப்படத்துக்கும் விஜய் நடிக்கும் மாஸ்டருக்கும் என்னென்ன ஒற்றுமைகள்?

லோகேஷ் கனகராஜ் இயக்கத்தில் நடிகர் விஜய்யின் அடுத்த படம் மாஸ்டர். இது தென்கொரியத் திரைப்படமான 'சைலன்ஸ்ட்' எனும் படத்தைத் தழுவி எடுக்கப்படுவதாக வதந்தி பரவியுள்ளது.

காது கேளாத மற்றும் ஊமையாக இருக்கும் குழந்தைகளை பாலியல் துஷ்பிரயோகம் செய்யும் ஹாஸ்டல் வார்டன்களிலிருந்து காப்பாற்றும் கதாநாயகனைப் பற்றிய கதைதான் சைலன்ஸ்ட் படம். இப்படம் வெளியான சமயத்தில், கடும் சர்ச்சைக்குள்ளானது. தென்கொரிய அரசாங்கம் அத்தகைய ஹாஸ்டல்களுக்கு எதிராக அதிரடி நடவடிக்கை எடுத்தது.

மாஸ்டர் படத்தில் விஜய் பேராசிரியராக நடிக்கிறார் என்பது அனைவருக்கும் தெரிந்த விஷயம். இந்நிலையில் இதன் கதை ஹாஸ்டலை அடிப்படையாகக் கொண்டதாக வதந்திகள் சமூக வலைத்தளங்களில் பரவி வைரலாகின. தவிர, அண்மையில் படக்குழு மாற்றுத்திறனாளிக் குழந்தைகளுக்கான சிறப்புப் பள்ளியில் படப்பிடிப்பை நடத்தி முடித்தது.

லோகேஷ் கனகராஜ் மாஸ்டரின் திரைக்கதையை அசலாக உருவாக்கியுள்ளார் என்றும், கொரியப் படத்தின் கதை வேறு என்று அவரது நெருக்கமான வட்டாரத்தினர் கூறியுள்ளனர்.

விஜய் தவிர, இப்படத்தில் விஜய் சேதுபதியும் நடிக்கிறார். 'பேட்ட’யில் நடித்த மாளவிகா மோகனன் விஜய்க்கு ஜோடியாக நடிக்கிறார்.

படத்திலுள்ள சில காட்சிகளுக்காக விஜய் க்ளீன் ஷேவ் கெட்டப்பில் தோன்றுவார் என்று சமீபத்திய தகவல்கள் கூறுகின்றன. 

அடுத்தக்கட்ட படப்பிடிப்பை சென்னை, தில்லி மற்றும் சிவமோகாவில் படமாக்கவுள்ளனர்.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com