Enable Javscript for better performance
லாஸ் வேகாஸில் திருமணம்: த்ரிஷா- Dinamani

சுடச்சுட

    
    tisha_about_marraige

     

    அமெரிக்காவின் லாஸ் வேகாஸ் நகரில் திருமணம் செய்வேன் என்று நடிகை த்ரிஷா தெரிவித்துள்ளார்.

    தமிழ், தெலுங்கு, மலையாளம் என தென்னிந்திய மொழிகளில் கடந்த 10 ஆண்டுகளாக முன்னணி நாயகிகளில் ஒருவராக வலம்வருபவர் நடிகை த்ரிஷா. சமீபத்தில் சூப்பர்ஸ்டார் ரஜினிகாந்த் ஜோடியாக பேட்ட படத்தில் நடித்திருந்தார். தற்போது மலையாள சூப்பர்ஸ்டார் மோகன்லால் ஜோடியாக ராம் என்ற திரைப்படத்தில் நடித்து வருகிறார். ஆக்ஷன்-த்ரில்லர் வகை திரைப்படமான இதில் வனிதா என்ற மருத்துவர் கதாப்பாத்திரத்தில் நடித்து வருகிறார். 

    இந்த நிலையில், தனது ஓய்வு நேரத்தின் போது சமூக வலைதளமான இன்ஸ்டாகிராமில் விரும்பிய கேள்விகளை கேட்குமாறு ரசிகர்களிடம் கோரிக்கை விடுத்தார். இதையடுத்து ரசிகர்கள் கேட்ட ஒவ்வொரு கேள்விக்கும் நகைச்சுவையுடன் பதிலளித்தார். அப்போது திருமணம் தொடர்பாக ரசிகர் கேட்டிருந்த கேள்விக்கு பதிலளித்தது அவரது ரசிகர்கள் மத்தியில் பெரும் ஆரவாரத்தை ஏற்படுத்தி வருகிறது.

    அதில், உங்களின் விநோதமான விருப்பங்களில் ஒன்றை தெரிவிக்கவும் என்ற ரசிகரின் கேள்விக்கு, அமெரிக்காவிலுள்ள லாஸ் வேகாஸ் நகரில் திருமணம் செய்வது தான் என்று பதிலளித்துள்ளார். இதனால் அவரது திருமணம் மீதான எதிர்பார்ப்பு ரசிகர்களிடையே மீண்டும் அதிகரித்துள்ளது.

    முன்னதாக, தொழிலதிபர் வருண் மணியனுடன் கடந்த டிசம்பர், 2015-ல் திருமண நிச்சயம் செய்த சில மாதங்களில் கருத்து வேறுபாடு காரணமாக பிரிவதாக த்ரிஷா அறிவித்தார். அதுபோன்று பாகுபலி புகழ் தெலுங்கு நடிகர் ராணாவுடனும் அவ்வப்போது கிசுகிசுக்கப்பட்டார். 

    TAGS
    trisha
    • அதிகம்
      படிக்கப்பட்டவை
    • அதிகம்
      பகிரப்பட்டவை
    google_play app_store
    kattana sevai