சீனி கம், பா, ஷமிதாப், கி அண்ட் கா, பேட்மேன் ஆகிய ஹிந்திப் படங்களை எடுத்த தமிழரான ஆர். பால்கி, அடுத்த படத்துக்குத் தயாராகிவிட்டார்.
பால்கி இதுவரை எடுத்த ஐந்து படங்களுக்கும் ஒளிப்பதிவு செய்த பி.சி. ஸ்ரீராம் தான் பால்கியின் அடுத்த படத்துக்கும் ஒளிப்பதிவாளராகப் பணியாற்றவுள்ளார். இருவரும் இணைந்து பணியாற்றும் 6-வது படம் இது.
ஃபேஸ்டைமில் பால்கியுடன் விவாதிப்பது தொடர்பான விடியோவை வெளியிட்டு இந்த அறிவிப்பை வெளியிட்டுள்ளார் பி.சி. ஸ்ரீராம்.
கடைசியாக, நித்யா மேனன் நடித்த பிராணா என்கிற படத்துக்கு ஒளிப்பதிவு செய்தார் பி.சி. ஸ்ரீராம். அடுத்ததாக கீர்த்தி சுரேஷ் நடித்துள்ள ரங் டே என்கிற தெலுங்குப் படத்துக்கு ஒளிப்பதிவு செய்துள்ளார்.