Enable Javscript for better performance
Muttiah Muralitharan's biopic lands in controversy- Dinamani

சுடச்சுட

    

    2009-ம் ஆண்டு என் வாழ்க்கையின் மகிழ்ச்சியான நாள் எனக் கூறியது ஏன்?: முரளிதரன் விளக்கம்

    By DIN  |   Published on : 16th October 2020 05:11 PM  |   அ+அ அ-   |    |  

    muralidharan_WICB_Media1xx

     

    2009-ம் ஆண்டு என் வாழ்க்கையின் மகிழ்ச்சியான நாள் எனக் கூறியதற்கான காரணத்தை முத்தையா முரளிதரன் விளக்கியுள்ளார்.

    133 டெஸ்டுகள், 350 ஒருநாள், 12 டி20 ஆட்டங்களில் விளையாடி இலங்கையின் மகத்தான கிரிக்கெட் வீரராக அறியப்பட்டுள்ள முத்தையா முரளிதரனின் வாழ்க்கை வரலாற்றுப் படத்தில் நடிக்கிறார் விஜய் சேதுபதி. இப்படத்துக்கு 800 என பெயர் வைக்கப்பட்டுள்ளது. டெஸ்ட் கிரிக்கெட்டில் 800 விக்கெட்டுகளை எடுத்துள்ளதால் இந்தப் பெயர் சூட்டப்பட்டுள்ளது. 

    தமிழ் உள்ளிட்ட பல மொழிகளில் வெளியாகவுள்ள இந்தப் படத்தை எம்.எஸ். ஸ்ரீபதி இயக்குகிறார். இலங்கை, இங்கிலாந்து, ஆஸ்திரேலியா, இந்தியா ஆகிய நாடுகளில் படமாக்கப்படவுள்ளது. அடுத்த வருடத் தொடக்கத்தில் இதன் படப்பிடிப்பு ஆரம்பமாகும். 2021 வருட இறுதியில் வெளியிடத் திட்டமிடப்பட்டுள்ளது. தமிழில் உருவாகும் இப்படம் தென்னிந்திய மொழிகளில் மட்டுமில்லாமல் ஹிந்தி, வங்காளம், சிங்களம் ஆகிய மொழிகளிலும் டப் செய்யப்படும்.

    எனினும்  இலங்கை அரசுக்கு ஆதரவளிக்கும் முரளிதரனின் வாழ்க்கை வரலாற்றுப் படத்தில் விஜய் சேதுபதி நடிக்க வேண்டுமா என்று பலரும் கேள்வி எழுப்பியுள்ளார்கள். முரளிதரனாக விஜய் சேதுபதி நடிப்பதற்கு எதிர்ப்பு தெரிவித்து சமூகவலைத்தளங்களில் பலரும் பதிவுகள் எழுதியுள்ளார்கள். #ShameOnVijaySethupathi என்கிற ஹேஷ்டேக் ட்விட்டரில் டிரெண்டானது. 

    800 பட சர்ச்சை குறித்து முத்தையா முரளிதரன் அறிக்கை வெளியிட்டுள்ளார். ஒருபோதும் அப்பாவி மக்களின் படுகொலைகளை ஆதரிக்கவும் இல்லை, ஆதரிக்கவும் மாட்டேன். என்னைத் தமிழ் இனத்திற்கு எதிரானவராக சித்தரிப்பது வேதனை அளிக்கிறது என்று அவர் கூறியுள்ளார்.

    இந்நிலையில் 2009-ம் ஆண்டு என் வாழ்க்கையின் மகிழ்ச்சியான நாள் எனக் கூறியதற்கான காரணமம் குறித்து முரளிதரன், தன்னுடைய அறிக்கையில் கூறியதாவது:

    800 படத்தைப் பல்வேறு காரணங்களுக்காக அரசியலாக்கி அதற்கு எதிர்ப்பு தெரிவிக்கப்பட்டு வருகிறது. நான் பேசிய பல கருத்துகள் தவறாகத் திரித்து சொல்லப்பட்டதால் வந்த விளைவுதான். உதாரணமாக நான் 2009-ம் ஆண்டு தான் என் வாழ்க்கையின் மிக மகிழ்ச்சியான நாள் என்று 2019-ல் கூறியதைத் தமிழர்களைக் கொன்று குவித்த நாள் தான் முத்தையா முரளிதரனின் மகிழ்ச்சியான நாள் எனத் திரித்து எழுதுகிறார்கள். 

    ஒரு சராசரிக் குடிமகனாகச் சிந்தித்துப் பாருங்கள். போர் சூழ்நிலையிலேயே இருந்த ஒரு நாட்டில் எங்கு எது நடக்கும் என்பது தெரியாது. என் பள்ளிக்காலத்தில் என்னுடன் பள்ளியில் ஒன்றாக விளையாடிய மாணவன் மறுநாள் உயிருடன் இருக்க மாட்டான். வீட்டை விட்டு வெளியே சென்றவர்கள் வீடு திரும்பினால் தான் நிஜம். இப்படிப்பட்ட சூழ்நிலையில் போர் முடிவுற்றது ஒரு சராசரி மனிதனாகப் பாதுகாப்பாக உணர்வது மட்டுமல்லாமல் போர் நிறைவடைந்ததால் கடந்த பத்து வருடங்களாக இரண்டு பக்கமும் உயிரிழப்புகள் ஏதும் இல்லாமல் இருப்பதை மனதில் வைத்தே 2009-ம் ஆண்டு எனது வாழ்க்கையின் மகிழ்ச்சியான நாள் என்கிற கருத்தினைத் தெரிவித்தேன். ஒருபோதும் அப்பாவி மக்களின் படுகொலைகளை ஆதரிக்கவும் இல்லை, ஆதரிக்கவும் மாட்டேன் என்று கூறியுள்ளார்.

    உங்கள் கருத்துகள்

    Disclaimer : We respect your thoughts and views! But we need to be judicious while moderating your comments. All the comments will be moderated by the dinamani.com editorial. Abstain from posting comments that are obscene, defamatory or inflammatory, and do not indulge in personal attacks. Try to avoid outside hyperlinks inside the comment. Help us delete comments that do not follow these guidelines.

    The views expressed in comments published on dinamani.com are those of the comment writers alone. They do not represent the views or opinions of dinamani.com or its staff, nor do they represent the views or opinions of The New Indian Express Group, or any entity of, or affiliated with, The New Indian Express Group. dinamani.com reserves the right to take any or all comments down at any time.

    flipboard facebook twitter whatsapp