நடிகர் சூர்யா நடித்துள்ள சூரரைப் போற்று படத்தின் டிரெய்லர் அக்டோபர் 26-ம் தேதி வெளியாகிறது.
சூர்யா நடிப்பில் சுதா கொங்கரா இயக்கத்தில் உருவாகியுள்ள சூரரைப் போற்று திரைப்படம் அக்டோபர் 30-ம் தேதி வெளியாவதில் சிக்கல் ஏற்பட்டது. விமானப் போக்குவரத்துத் துறை தொடர்பான திரைப்படம் என்பதால் இந்திய விமானப் படையிடமிருந்து அனுமதி பெற வேண்டிய கட்டாயம் ஏற்பட்டது. இதனால், பட வெளியீட்டில் தாமதம் ஏற்பட்டது.
ஆனால், சூரரைப் போற்றுக்கு தடையில்லாச் சான்றிதழ் கிடைத்ததையடுத்து, தீபாவளிக்கு வெளியாகும் என்று அறிவிக்கப்பட்டது.
இந்த அறிவிப்பு வெளியானதையடுத்து, படத்தின் டிரெய்லர் பற்றிய அறிவிப்பும் வெளியிடப்பட்டுள்ளது.
டிரெய்லர் 26-ம் தேதி வெளியாகும் என்று சூர்யா விடியோ மூலம் தனது சுட்டுரைப் பக்கத்தில் அறிவித்துள்ளார்.