மைக்கேல் மதன காமராஜன் படம் போல சில படங்களைப் பார்க்கும்போது மட்டுமே நமக்கு அளவில்லாத மகிழ்ச்சி ஏற்படும் எனப் பிரபல மலையாள நடிகர் பிரிதிவிராஜ் ட்வீட் செய்துள்ளார்.
1990-ல் வெளியான மைக்கேல் மதன காமராஜன் படம், இன்றுவரைக்கும் அதன் நகைச்சுவைக் காட்சிகளுக்காக நினைவுகூரப்படுகிறது. கிரேசி மோகனின் வசனமும் இளையராஜாவின் பாடல்களும் படத்துக்குக் கூடுதல் பலங்கள்.
இந்நிலையில் பிரபல மலையாள நடிகர் பிரிதிவிராஜ், இந்தப் படம் ட்விட்டரில் கூறியதாவது:
சில படங்கள் மட்டுமே மைக்கேல் மதன காமராஜன் போல படம் பார்க்கும்போது அளவில்லாத சந்தோஷத்தை அளிக்கும். உலக சினிமாவின் மகத்தான கலைஞன், கமல். நடிகை ஊர்வசி ஜாம்பவான். பின்னிரவில் மனைவியுடன் இப்படத்தைப் பார்த்துக்கொண்டிருக்கிறேன் என்று எழுதியுள்ளார்.