பிக் பாஸ் நிகழ்ச்சியில் பங்கேற்ற நடிகை ஜூலி, நாடி ஜோதிடம் பார்த்தது குறித்து பதிவு எழுதியுள்ளார்.
ஜல்லிக்கட்டுப் போராட்டம், பிக்பாஸ் என பிரபலமானவர் ஜூலி. தற்போது திரைப்படங்களில் நடித்துவருகிறார்.
இந்நிலையில் நாடி ஜோதிடம் பார்த்தது தொடர்பாக இன்ஸ்டகிராமில் பதிவு எழுதியுள்ளார் ஜூலி. அதில் அவர் கூறியதாவது:
வடபழனியில் நாடி ஜோதிடரை இன்று பார்த்தேன். சரியாகக் கணித்த நமது முன்னோர்களின் மீது நம்பிக்கை ஏற்படுத்தியது.
உங்களுடைய கடந்த காலம் மட்டுமின்றி எதிர்காலத்தையும் 100% சரியாகச் சொன்னால் உங்களுக்கு ஆர்வம் ஏற்படாதா? சுவடியைப் பார்த்து அவர் சொன்ன வார்த்தைகள் எல்லாம் உண்மையாக இருந்தன. நான் ஆச்சர்யம் அடைந்தேன். அவருடைய வார்த்தைகளால் மட்டுமல்ல அவர் நம் வாழ்க்கையைக் கணித்த விதம், எதிர்காலம் பற்றி சொன்னதைக் கேட்டும் எனக்கு நேர்மறை எண்ணங்கள் ஏற்பட்டன. அவரைப் பற்றி அனைவரிடமும் நான் பரிந்துரைப்பேன் என்று கூறி நாடி ஜோதிடரின் விவரங்களைக் குறிப்பிட்டுள்ளார்.