சிபி சத்யராஜ் நடித்துள்ள கபடதாரி படம் அமேசான் பிரைம் ஓடிடியில் நாளை வெளியாகிறது.
கவலுதாரி என்கிற கன்னடப் படம் தமிழில் ரீமேக் ஆகியுள்ளது. கபடதாரி என்று பெயரிடப்பட்டுள்ள இந்தப் படத்தில் சிபி சத்யராஜ், நந்திதா ஸ்வேதா போன்றோர் நடித்துள்ளார்கள். இயக்கம் - பிரதீப் கிருஷ்ணமூர்த்தி, இசை - சைமன் கே கிங். தயாரிப்பாளர் - தனஞ்ஜெயன். தணிக்கையில் யு/ஏ சான்றிதழ் பெற்றது.
ஜனவரி 28-ல் திரையரங்குகளில் வெளியான கபடதாரி படம், நாளை (பிப். 26) அமேசான் பிரைம் ஓடிடியில் வெளியாகவுள்ளதாகப் படத்தின் தயாரிப்பாளர் தனஞ்ஜெயன் ட்விட்டரில் தெரிவித்துள்ளார்.
