நடிகர் விஜய்யைச் சந்தித்த நடிகர் காளிதாஸ், அச்சந்திப்பு குறித்து ட்விட்டரில் பதிவு எழுதியுள்ளார்.
நடிகர் ஜெயராமின் மகனான காளிதாஸ், மீன் குழம்பும் மண் பானையும் என்கிற படத்தின் மூலம் தமிழ்த் திரையுலகில் அறிமுகமானார். ஒரு பக்க கதை சமீபத்தில் வெளியானது. அமேசான் பிரைமில் வெளியான புத்தம் புது காலை மற்றும் நெட்பிளிக்ஸில் வெளியான பாவக் கதைகள் ஆகிய ஓடிடி படங்களிலும் அவர் நடித்துள்ளார்.
இந்நிலையில் நடிகர் விஜய்யைச் சமீபத்தில் சந்தித்துள்ளார் காளிதாஸ். இதன் புகைப்படத்தை ட்விட்டரில் பகிர்ந்த காளிதாஸ் கூறியதாவது:
இதைவிட சிறப்பாக எதுவும் நடந்துவிட முடியாது. மாஸ்டரை மாணவன் சந்தித்துள்ளேன். எனக்காக நேரத்தைச் செலவிட்ட விஜய் சாருக்கு நன்றி எனக் கூறியுள்ளார்.
