பாலிவுட்டில் 21 வருடங்களை நிறைவு செய்த நடிகை கரீனா கபூர்

இன்னும் 21 வருடங்கள் நடிப்பேன். அதற்குத் தயாராக உள்ளேன்.
பாலிவுட்டில் 21 வருடங்களை நிறைவு செய்த நடிகை கரீனா கபூர்

இந்தியாவின் பிரபல நடிகைகளில் ஒருவர், கரீனா கபூர். 20 வருடங்களுக்கு முன்பு வெளியான ரெப்யூஜி படத்தில் அபிஷேக் பச்சனும் கரீனா கபூரும் அறிமுகமானார்கள்.

2012-ல் நடிகை கரீனா கபூரும் நடிகர் சயிப் அலி கானும் திருமணம் செய்துகொண்டார்கள். 2016-ல் மகன் பிறந்தான். தைமூர் அலி கான் எனப் பெயர் சூட்டினார்கள். கடந்த பிப்ரவரி மாதம் கரீனா கபூருக்கு மற்றொரு ஆண் குழந்தை பிறந்தது.

நடிகர் ஆமிர் கானின் அடுத்த படமான லால் சிங் சத்தா-வில் கதாநாயகியாக நடித்து வருகிறார் கரீனா கபூர். 

இந்நிலையில் திரையுலகில் 21-வது வருடத்தை கரீனா கபூர் பூர்த்தி செய்துள்ளார். இதுபற்றி அவர் கூறியதாவது:

21 வருடங்கள் ஆகிவிட்டன. மகிழ்ச்சியாகவும் ஆசிர்வதிக்கப்பட்டவராகவும் மேலும் ஆர்வம் உள்ளவராகவும் இருக்கிறேன். இன்னும் 21 வருடங்கள் நடிப்பேன். அதற்குத் தயாராக உள்ளேன். அனைவருடைய அன்புக்கும் ஆதரவுக்கும் நன்றி என்று கூறியுள்ளார். 

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com