கர்ணன் படத்தில் இடம்பெற்ற வுட்றாதீங்க யப்போவ் பாடலின் விடியோ யூடியூப் தளத்தில் வெளியாகியுள்ளது.
பரியேறும் பெருமாள் படத்தை இயக்கிக் கவனம் பெற்ற இயக்குநர் மாரி செல்வராஜின் அடுத்த படத்தில் கதாநாயகனாக நடித்துள்ளார் தனுஷ். கர்ணன் என்று பெயரிடப்பட்ட இப்படத்தை தாணு தயாரித்துள்ளார். இசை - சந்தோஷ் நாராயணன். மலையாள நடிகை ரஜிஷா விஜயன், 96 புகழ் கெளரி, லக்ஷ்மி குறும்படப் புகழ் லட்சுமி ப்ரியா சந்திரமெளலி ஆகியோரும் இப்படத்தில் நடித்துள்ளார்கள். ஜுன், ஃபைனல்ஸ், ஸ்டாண்ட் அப் படங்களில் நடித்த ரஜிஷா நடித்துள்ள முதல் தமிழ்ப் படம் இது. கடந்த டிசம்பர் மாதம் கர்ணன் படப்பிடிப்பு நிறைவுபெற்றது.
சந்தோஷ் நாராயணனின் பாடல்களுக்கு அதிக வரவேற்பு கிடைத்த நிலையில் கர்ணன் படம் திரையரங்குகளில் சமீபத்தில் வெளியானது. ரசிகர்களும் திரைப் பிரபலங்களும் கர்ணன் படத்தை வெகுவாகப் பாராட்டியுள்ளார்கள்.
கர்ணன் படம் அமேசான் பிரைம் ஓடிடியில் மே 14 அன்று வெளியாகவுள்ளது.
இந்நிலையில் தீ, சந்தோஷ் நாராயணன் பாடிய வுட்றாதீங்க யப்போவ் என்கிற பாடலின் விடியோ யூடியூப் தளத்தில் வெளியாகியுள்ளது.