இயக்குநர் மிஷ்கினின் பிசாசு 2 படத்தில் இருந்து கார்த்திக் ராஜாவின் இசையில் உட்சந்தல ரேகையிலே என்ற பாடல் வெளியாகி நல்ல வரவேற்பைப் பெற்று வருகிறது.
பிசாசு படத்தின் இரண்டாம் பாகத்தை இயக்குநர் மிஷ்கின் தற்போது இயக்கியுள்ளார். இந்தப் படத்தில் ஆண்ட்ரியா, பூர்னா, சந்தோஷ் பிரதாப் ஆகியோர் முதன்மை வேடங்களில் நடித்துள்ளனர்.
நடிகர் விஜய் சேதுபதி முக்கிய வேடத்தில் நடிக்கிறார். இந்தப் படத்துக்காக இளையாராஜாவின் மூத்த மகன் கார்த்திக் ராஜாவுன் இயக்குநர் மிஷ்கின் முதன்முறையாக கைகோர்த்துள்ளார். இதனால் இந்தப் படத்தின் இசை மீதான எதிர்பார்ப்பு ரசிகர்களிடையே அதிகரித்திருந்தது.
இதையும் படிக்க | ''டெனெட் படம் மாதிரி.. - வெளியான சிம்புவின் 'மாநாடு' பட டிரெய்லர்
இந்த நிலையில் இந்தப் படத்தில் இருந்து உச்சந்தல ரேகையிலே என்ற பாடல் வெளியாகியுள்ளது. கபிலன் எழுதியுள்ள இந்தப் பாடலை சித் ஸ்ரீராம் பாடியுள்ளார். ராக்ஃபோர்ட் எண்டர்டெயின்மென்ட் சார்பாக டி.முருகானந்தம் இந்தப் படத்தை தயாரித்துள்ளார்.