தீபாவளிக்கு டிவியில் ஒளிபரப்பாகவிருக்கும் சிவகார்த்திகேயனின் 'டாக்டர்': ரசிகர்கள் அதிர்ச்சி

சிவகார்த்திகேயனின் டாக்டர் திரைப்படம் விரைவில் சன் டிவியில் ஒளிரப்பாகவிருப்பதாக தகவல் வெளியாகியுள்ளது. 
தீபாவளிக்கு டிவியில் ஒளிபரப்பாகவிருக்கும் சிவகார்த்திகேயனின் 'டாக்டர்': ரசிகர்கள் அதிர்ச்சி

சிவகார்த்திகேயனின் டாக்டர் திரைப்படம் விரைவில் சன் டிவியில் ஒளிரப்பாகவிருப்பதாக தகவல் வெளியாகியுள்ளது. 

நடிகர் சிவகார்த்திகேயன் நடித்து கடந்த அக்டோபர் 9 ஆம் தேதி வெளியான டாக்டர் திரைப்படம் விமர்சன ரீதியாகவும், வசூல் ரீதியாகவும் மாபெரும் வரவேற்பைப் பெற்றது. இரண்டு வாரங்களுக்கு மேலாகியும் இன்னும் நிறைய திரையரங்குகளில் அரங்கம் நிறைந்த காட்சிகளாக ஓடிக்கொண்டிருக்கிறது. 

சிவகார்த்திகேயன் படங்களில் அதிகம் வசூலித்த படம் என்ற பெருமையை டாக்டர் திரைப்படம் பெற்றுள்ளதாக திரைப்பட வல்லுநர்கள் கூறுகின்றனர். 

இந்தப் படத்தின் தொலைக்காட்சி மற்றும் டிஜிட்டல் உரிமயை சன் நிறுவனம் கைப்பற்றியிருந்தது. இந்த நிலையில் வருகிற தீபாவளிக்கு சன் டிவியில் சிவகார்த்திகேயனின் டாக்டர் திரைப்படம் ஒளிபரப்பாகவிருப்பதாக தகவல் வெளியாகியுள்ளது. இதுகுறித்து அறிவிப்பு விரைவில் வெளியாகலாம். 

திரையரங்குகளில் வெற்றிகரமாக ஓடிக்கொண்டிருக்கும் திரைப்படம் டிவியில் ஒளிபரப்பாகவிருப்பது ரசிகர்களுக்கு அதிர்ச்சியை ஏற்படுத்தியுள்ளது. மாஸ்டர் திரைப்படம் திரையரங்குகளில் வெற்றிகரமாக ஓடிக்கொண்டிருக்கும்போதே அமேசான் பிரைமில் வெளியானது குறிப்பிடத்தக்கது. இருப்பினும் திரையரங்குகளில் மாஸ்டர் படத்துக்கு சென்ற கூட்டம் குறையவில்லை.

தினமணி'யை வாட்ஸ்ஆப் சேனலில் பின்தொடர... WhatsApp

தினமணியைத் தொடர: Facebook, Twitter, Instagram, Youtube, Telegram, Threads, Koo

உடனுக்குடன் செய்திகளை தெரிந்து கொள்ள தினமணி செயலியை பதிவிறக்கம் செய்யவும் 

Related Stories

No stories found.
Dinamani
www.dinamani.com