நடிகர் சந்தானம் நடிப்பில் வெளியான ‘டிக்கிலோனா’ படத்தின் பாடல்களில் ஒன்றான ‘பேர் வச்சாலும்’ பாடல் அதிவேகமாக 2 கோடிப் பார்வையாளர்களைக் கடந்து சென்று கொண்டிருக்கிறது.
கார்த்திக் யோகி இயக்கத்தில் நடிகர் சந்தானம் , அனேகா உள்ளிட்டோர் நடித்த ‘டிக்கிலோனா’ திரைப்படம் விமர்சன ரீதியாக விமர்சிக்கப்பட்டாலும் அதில் இடம் பெற்ற ‘பேர் வச்சாலும்’ பாடல் இணையத்தில் கொண்டாடப்படுவதுடன் பெரிதாக வைரலாகி வருகிறது.
1990 ஆம் ஆண்டு கமல் ஹாசன் நடிப்பில் வெளியான ‘மைக்கேல் மதன காமராஜன்’ திரைப்படத்தில் இசையமைப்பாளர் இளையராஜா இசையமைத்த இப்பாடலை யுவன் சங்கர் ராஜா சிறிய மாற்றத்தை ஏற்படுத்தி 'டிக்கிலோனா’ படத்தில் பயன்படுத்தினார்.
பாடல் வரிகளுடன் நடனக்காட்சிகளும் ரசிகர்கள் மத்தியில் பெரும் வரவேற்பைப் பெற்றதுடன், தற்போது 2 கோடி முறைக்கு மேல் யூடியூப் பக்கத்தில் பார்க்கப்பட்டிருக்கிறது.