நடிகை ஸ்ருதி ஹாசன் தனது இன்ஸ்டாகிராம் பக்கம் மூலம் ரசிகர்களின் கேள்வி பதிலளித்தார். அப்போது ஒரு ரசிகர், நீங்கள் தென்னிந்தியாவிலிருந்து வருகிறீர்கள். உங்களுக்கு ஹிந்தி பேசத் தெரியுமா? என கேள்வி எழுப்பினார்.
அதற்கு பதிலளித்த ஸ்ருதி ஹாசன், ''நாங்கள் திரைப்படங்களை உருவாக்கி வருகிறோம். கடுமையாக உழைக்கிறோம். 2022ல் இனம், மொழி உட்பட பாரபட்சம் பார்பதற்கு நேரம் இல்லை'' என்று குறிப்பிட்டுள்ளார்.
ஸ்ருதி ஹாசன் ஹிந்திப் படமான லக் மூலம் தான் நடிகையாக திரையுலகில் அறிமுகமானார். ராமையா வஸ்தாவயா, டிடே, கப்பார் இஸ் பேக் போன்ற ஹிந்தி படங்களில் நடித்துள்ளார்.
தற்போது பிரபாஸுடன் இணைந்து சலார் படத்தில் நடித்து வருகிறார். இந்தப் படத்தை கேஜிஎஃப் பட இயக்குநர் பிரஷாந்த் நீல் இயக்குகிறார். இந்தப் படம் தெலுங்கு, தமிழ், கன்னடம், மலையாளம், ஹிந்தி மொழிகளில் வெளியாகவுள்ளது.