நீண்ட இடைவேளைக்கு பிறகு திரைப்படங்களில் நடிக்கத் துவங்கியிருக்கும் மீரா ஜாஸ்மின் இன்ஸ்டாகிராமில் கவர்ச்சிகரமான படங்களைப் பகிர்ந்து வருகிறார்.
இன்ஸ்டாகிராமில் இவர் பகிரும் புகைப்படங்களுக்கு ரசிகர்களிடையே நல்ல வரவேற்பு இருந்துவருகிறது. சமீபத்தில் உடற்பயிற்சி கூடத்தில் இருந்து இவர் பகிர்ந்த புகைப்படங்கள் ரசிகர்களை ஆச்சரியத்தில் ஆழ்த்தியுள்ளது. காரணம் படத்தில் மிகவும் ஒல்லியாக இருக்கிறார்.
இதையும் படிக்க | 'வாரிசு' விஜய்யுடன் மோதும் எஸ்.ஜே.சூர்யா - புரியல?
கடைசியாக ஜெயராமுடன் இவர் இணைந்து நடித்த மகள் திரைப்படம் கடந்த ஏப்ரல் மாதம் வெளியாகி கலவையான விமர்சனங்களைப் பெற்றது. இந்தப் படத்தை சத்யன் அந்திக்காடு இயக்கியிருந்தார்.
ரன் படத்தின் மூலம் தமிழில் அறிமுகமான மீரா ஜாஸ்மின், அஜித், விஜய், விஜயகாந்த் என முன்னணி நடிகர்களின் படங்களில் நடித்தார். சண்டக்கோழி படத்தில் மீரா ஜாஸ்மினின் நடிப்பு ரசிகர்களைப் பெரிதும் கவர்ந்தது.