ஷாருக்கான் நடிக்கும் ‘ஜவான்' படத்தின் போஸ்டரை அப்படத்தின் இயக்குநர் அட்லி இன்று வெளியிட்டார்.
ராஜா ராணி, தெறி, மெர்சல், பிகில் ஆகிய படங்களை இயக்கிய அட்லி அடுத்ததாக ஹிந்திப் படத்தை இயக்கி வருகிறார். இப்படத்தில் ஷாரூக்கானுக்கு ஜோடியாக முதல்முறையாக நயன்தாரா நடிக்கிறார். மேலும் பிரியாமணி, யோகிபாபு உள்ளிட்டோரும் நடிக்கின்றனர்.
படத்தில் ஷாருக்கான் இரட்டை வேடங்களில் நடிப்பதாக தகவல் வெளியாகியுள்ளது.
தற்போது இதன் படப்பிடிப்பு விறுவிறுப்பாக நடைபெற்று வருகிறது. இதனிடையே இப்படத்தின் தலைப்பு ஜவான் என்றும் படம் ஜூன் 2-ம் தேதி அன்று திரையரங்குகளில் வெளியாகும் என்றும் அதிகாரபூர்வமாக அறிவித்தனர்.
இந்த நிலையில் ‘ஜவான்' படத்தின் போஸ்டரை அப்படத்தின் இயக்குநர் அட்லி இன்று தனது ட்விட்டர் பக்கத்தில் வெளியிட்டார்.